சிறைக்குள் மொபைல் பூத் :11 ஆயிரம் பறிமுதல்

by **அரசன்** Wed Nov 09, 2011 7:54 pm

கோவை மத்திய சிறையில் உள்ள சிறைவாசிகளிடத்தில் நிமிடத்துக்கு 25,ரூபாய் கட்டனத்தில் செல்போனை வாடைகைக்கு விட்டுக்கொண்டிருந்த இரு சிறைவாசிகளை நேற்று சிறைத்துறையினர் கண்டுபிடித்தனர்.

சுமார் 2250 சிறைவாசிகள் அடைக்கப்பட்டிருக்கும் கோவை மத்திய சிறையில் சமீபகாலமாக சிறைவாசிகள் செல்போன் பயன்படித்திவருவது அதிகமானது.

இதை தடுக்க சிறை நிர்வாகம் கடும் முயற்சி எடுத்துவருகிறது. கடந்த வாரத்தில் மட்டும் 30, செல்போன்கள் பறிமுதல் செய்யப்பட்டன.

அவை கேமராவுடன் கூடிய, அதிகப்படியான திரைப்படப் பாடல்களை பதிவு செய்து வைத்துகொண்டு கேட்கும் வசதிகளை கொண்டவையாக இருந்தது.

இந்த நிலையில் செல்போன்களை வைத்துக்கொண்டு, வாடகைக்கு விடும் இருவரை பற்றிய தகவல்களை சில சிறைவாசிகள் மூலம் தெரிந்து கொண்ட சிறை நிர்வாகம் நேற்று மாலை சீப்வார்டன் (தலைமை) பிசுமணியை குறிப்பிட்ட அந்த இரண்டு சிறைவாசியின் அறையில் சோதனை போட உத்தரவிட்டனர்.

மத்திய சிறையில் உள்ள டவர் பிளாக் என்று சொல்லப்படும் ஒரு தொகுதியில் இருந்த கோவை பெரியநாய்கன்பாளையத்தை சேர்ந்த செந்தில் வயது-29, செந்தில்குமார் வயது-31 என்ற இருவரும் தங்கியிருக்கும் ஒரு அறையை பிச்சுமணி மற்றும் சிறை காவலர்கள் சோதனையிட்டனர்.

அந்த அறையிலிருந்து இரண்டு செல்போன்களும், 11 ஆயிரம் ரூபாய் பணமும் பறிமுதல் செய்தனர், இந்த இரண்டு செல்போன்களையும் ஒரு நிமிடத்துக்கு 25 ரூபாய் என்ற கட்டணத்தில் தேவைப்படும் சிறைவைகளுக்கு வாடகைக்கு விடப்பட்டத விசாரனையில் தெரியவந்துள்ளது.

நன்றி : நக்கீரன் இணையம்