ஹைக்கூ கவிஞர் இரா .இரவி

by **eraeravi** Tue Nov 22, 2011 10:08 pm

ஹைக்கூ கவிஞர் இரா .இரவி

ஒரே நேரத்தில் முப்படைத் தாக்குதல்
பேருந்து பால் மின்சாரம்
கட்டண உயர்வு

ஏறுகின்றது விலைவாசி
ஏறவில்லை ஊதியம்
தனியார் நிறுவனங்களில்

கையில் வாங்கி
பையில் போடவில்லை
வாங்கினார் நடத்துனர்

விஞ்சியது
விமானக் கட்டணத்தை
பேருந்துக் கட்டணம்

அரவை இயந்திரங்கள் சிலருக்கு
விலைவாசி அரவையோ
அனைவருக்கும்

வாழ்க்கையில் போராடலாம்
போராட்டமே வாழ்கையானது
ஏழைகளுக்கு

இறக்குவேன் என்பார்கள்
ஏறியதும் ஏற்றுவார்கள்
விலைவாசி

ஏழை எளிய மக்கள்
வெந்தப் புண்ணில் வேலாக
விலைவாசி

வேண்டாம் புள்ளிவிபரம்
வேண்டும் விலைக்குறைப்பு
மக்கள் விருப்பம்

--
நன்றி
அன்புடன்
கவிஞர் இரா .இரவி

[You must be registered and logged in to see this link.]
இறந்த பின்னும்
இயற்கையை ரசிக்க

கண் தானம் செய்வோம் !!!!!