சின்ன விஷயமும் பயமளிக்கும்..

by **அ.இராமநாதன்** Thu Nov 24, 2011 10:55 pm

ஒரு சின்ன விசயம் மனிதனை எந்த அளவிற்கு
பயத்துக்குள்ளாக்குகிறது என்பதை காலையில்
என் அனுபவத்தில் உணர்ந்தேன்.

ஒவ்வொரு வெள்ளிக்கிழமையும் அதிகாலை எழுந்து
காய்கறிகள் வாங்க செல்வது வழக்கம். இன்றும்
சென்றிருந்தேன். பல கடைகள் வரிசையாக இருக்கும்.
அதிகாலை என்பதால் அவ்வளவு வெளிச்சம் இல்லை.

ஒரு கடையின் மூலையில் நின்று கொண்டு
காலிபிளவரை எடுத்து பார்த்துக்கொண்டிருந்தேன்.
அந்த கடையின் முதலாளி ஒரு சீனப்பெண். அவள்
என்னைப்பார்த்து திடீரென, "பாஸ், சினேக் சினேக்"
என கத்தினாள்.

பாம்பு என்றால் எனக்கு பயம் அதிகம். அதனால்
காலிபிளவரை அங்கேயே போட்டுவிட்டு ஒரே
ஓட்டமாக ஓடி கடைக்கு வெளியே சென்றேன்.

எல்லோரும் என்னைப்பார்த்து சிரிசிரி என்று சிரிக்க
ஆரம்பித்தார்கள். எனக்கோ ஒன்றும் புரியவில்லை.
எதற்காக இப்படி சிரிக்கிறார்கள்? பின்புதான்
எனக்கு விசயம் தெரிந்தது. அவள் என்னைக்கூப்பிட்டது
எதற்கு என்றால், 'புடலங்காய் (Snake Gourd)
வந்திருக்கிறது. உனக்கு வேண்டுமா' என கேட்க நினைத்து
'சினேக் சினேக்' என்று கூப்பிட்டுருக்கிறாள்.
நான் பாம்பு என நினைத்து பயந்து ஓடியிருக்கிறேன்.
அதற்கு காரணம் இல்லாமல் இல்லை. மலேசியாவில்
பாம்புகள் மிக அதிகம்.

பாம்பு இல்லை எனத் தெரிந்தும் கூட காலிபிளவர்
வாங்காமலேயே வந்துவிட்டேன்.

*************************************************
>இனியவன்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சின்ன விஷயமும் பயமளிக்கும்..

சின்ன விஷயமும் பயமளிக்கும்..

Re: சின்ன விஷயமும் பயமளிக்கும்..