எந்த விளைவில் இதுவானது....

by **ஹாசிம்** Mon Dec 05, 2011 7:28 pm

[You must be registered and logged in to see this image.]
அதிர்கின்ற அனியாயங்கள்
ஆங்காங்கே நடந்தேறுகிறதே
மதிப்பற்று உயிரொன்று
சாக்கடைச் சருகுபோல்
சதியானதா?? விதியானதா??

மானத்தின் விளைவிதுவோ
காமத்தின் விளைவிதுவோ
வறுமையின் விளைவிதுவோ
வருந்தாத மனங்களின்
வறிய செயலிதுவோ..

உன் உடலும் உள்ளமும்
ஏந்தி நின்ற சுகத்தினால்
விழைந்த இந்த சிசுவின்
பாவம் எதுவென்று பாதியில்
வீசியெறிந்தாய் பெண்ணே

சமூகத்தின் பயமுனை
சல்லாபம் செய்தபோது
சிந்திக்கச் செய்யவில்லை
உருவம்பெற்ற குழந்தையினை
உருவியெறிந்ததேனோ

தாயென்று தரணி போற்றும்
உன்னதமுன் நாமத்திற்கு
பங்கமாய் உன்வாரிசை
பாசமற்றுப் பாதையிலேன்
வீசிவிட்டுப் பழிசுமந்தாய்

மிருகம் தன்கன்றுச் சாவில்
தனைமாய்த்துக் குழிதோண்டி
அடக்கம்செய்து அடங்கிவிடுகிறதே
ஆறறிவு மிருகம் உன்னால்
உலகத்துத்தாய்களே தலைகுனிகிறது

சாதாரணமாய் சிசுமரணமின்று
நிவர்த்திக்கப்படாத வாலிபமும்
நிர்க்கதியாகும் பெண்ணியமும்
சிந்திக்கப்படும் சரித்திரமானால்
சமனிலையிங்கு சாத்தியமாகும்

by **நிலாமதி** Mon Dec 05, 2011 8:30 pm

சாதாரணமாய் சிசுமரணமின்று
நிவர்த்திக்கப்படாத வாலிபமும்
நிர்க்கதியாகும் பெண்ணியமும்
சிந்திக்கப்படும் சரித்திரமானால்
சமனிலையிங்கு சாத்தியமாகும்...........அருமை விளைவு என் திருத்திவிடுங்க்கள்

:héhé: :héhé:

by **ஹாசிம்** Tue Dec 06, 2011 11:05 am

nilaamathy wrote:சாதாரணமாய் சிசுமரணமின்று
நிவர்த்திக்கப்படாத வாலிபமும்
நிர்க்கதியாகும் பெண்ணியமும்
சிந்திக்கப்படும் சரித்திரமானால்
சமனிலையிங்கு சாத்தியமாகும்...........அருமை விளைவு என் திருத்திவிடுங்க்கள்

மிக்க நன்றி அக்கா

by **அப்துல்லாஹ்** Tue Dec 06, 2011 12:42 pm

அன்பில் திளைத்து அன்னையின் அரவணைப்பில் ஒடுங்கி ஆகாய நிலவு காட்டி அமுதூட்டி அண்ணனும் தங்கையும் அப்பாவும் அன்னையுமாய் ஆனந்தம் கொண்டு அரும்ப வேண்டிய மலர் இங்கு கருகிக் கிடப்பதை கருத்தில் கொண்டு கண்ணில் நீர் வர கவிதையின் கருவாக்கிப் படைத்த தம்பி ஹாஷிம் பாராட்டுக்குரியவர்... சமுதாயத்திற்கான விழிபுணர்ச்சியூட்டும் வரிகள்....

by **கவியருவி ம. ரமேஷ்** Tue Dec 06, 2011 8:18 pm

மிகப் பெரிய இழிவுதான் இது...
காமமோ, முறையற்ற காதலோ இதற்குக் காரணமாகிவிடுகிறது...

மிருகம் தன்கன்றுச் சாவில்
தனைமாய்த்துக் குழிதோண்டி
அடக்கம்செய்து அடங்கிவிடுகிறதே
ஆறறிவு மிருகம் உன்னால்
உலகத்துத்தாய்களே தலைகுனிகிறது

மனிதர்கள் இழிவானவர்கள் என்பதற்கு இது எடுத்துக்காட்டு

சமுதாய சாடல் கவிதை படைத்தமைக்கு நன்றி கவிஞரே