பிறந்த நாள்

by **kanagavasu** Fri Dec 09, 2011 12:38 am

தேதிகளை கிழித்தைதவிர

வேறெதையும் கிழிக்கவில்லை.

வெட்டிய "கேக்" காவது

நிரந்தரமாக இனிப்பு கொடுக்கும்,

என் பெற்றோருக்கு

என்னை தவிர.

ஆணாக பிறந்ததால்

கசக்காமல் போனது

அவர்கள் வாழ்வு,

அன்றிலிருந்து இன்றுவரை

.

சமூக நதியின் அசுத்தம் நீக்கும்

எனக்கான கடமைதூங்குகிறது.

அசுத்தமாக்க மனம்

சுறுசுறுப்பாய் இயங்குகிறது.

என் பசியாற்ற

இன்னுயிர் ஈந்த

விலங்குகளின் தாவரங்களின்

தியாகத்திற்கு முன் செத்து விழுகிறது

மனிதம்.

சுவடுகளை விடும்

தென்னை மட்டைகள்.

வாழ்ந்த போதும்

வாழும் போதும்

அன்பையோ பாராட்டையோ கொடாத நான்.

இந்த கொண்டாட்டங்கள்

அழகாய் மலர்ந்திருக்கும் செயற்கை மலராக

தெரிகிறது ஆயுளுடன்

கூடிய அனுபவத்தால்.