இந்திய கல்வித் துறையில் நவோதயா பள்ளிகள் மிகவும் பெயர் பெற்றவை என்பதை நாம் நன்றாக அறிவோம். ஜவஹர் நவோதயா வித்யாலயா சமிதி என்று அழைக்கப்படும் இந்தப் பள்ளிகளின் நாட்டின் பல்வேறு பகுதிகளில் பல்வேறு பிரிவுகளில் முது நிலைப்பட்டதாரி ஆசிரியர்களைப் பணி நியமனம் செய்வதற்கான அறிவிப்பு வெளியாகியுள்ளது.
பிரிவுகள்: ஆங்கிலம், இந்தி, இயற்பியல், வேதியியல், கணிதம், பொருளாதாரம், உயிரியல், வரலாறு, புவியியல், காமர்ஸ் ஆகிய பிரிவுகளில் நவோதயா பள்ளிகளில் இந்தப் பணி இடங்கள் நிரப்பப்பட உள்ளன.
தேவைகள்: நவோதயா பள்ளிகளின் முது நிலைப் பட்டதாரி ஆசிரியர் பதவிக்கு விண்ணப்பிக்க உச்ச பட்ச வயது 30.11.2011 அன்று 40க்கு உட்பட்டு இருக்க வேண்டும். விண்ணப்பிக்கும் பிரிவுக்கு ஏற்றபடி அங்கீகரிக்கப்பட்ட பல்கலைக் கழகத்தின் மூலமாக தொடர்புடைய பிரிவில் முது நிலை பட்டப் படிப்பு முடித்திருக்க வேண்டும். இத்துடன் பி.எட்.,டுக்கு நிகரான படிப்பையும் முடித்திருக்க வேண்டும். இந்தி மற்றும் ஆங்கில மொழியில் பயிற்றுவிக்கும் திறன் பெற்றிருக்க வேண்டும். இவற்றுடன் தொடர்புடைய பிரிவில் டி.ஜி.டி.,யாக பணி புரிந்த அனுபவமும், ரெசிடென்சியல் பள்ளியில் பயிற்றுவித்த அனுபவமும், கம்ப்யூட்டர் அப்ளிகேஷனில் அனுபவமும் இருந்தால் முன்னுரிமை உள்ளது.
விபரங்கள்: நவோதயா பள்ளிகளின் மேற்கண்ட பதவிகளுக்கு விண்ணப்பிக்க ரூ.540/-ஐ சென்ட்ரல் ரெக்ரூட்மென்ட் ஸ்டாம்ப் வாயிலாக கட்டணமாக செலுத்த வேண்டும். நவோதயா வித்யாலயா சமிதி என்ற பெயரில் இந்தக் கட்டணத்தை செலுத்த வேண்டும். இதன் பின்னர் ஆன்-லைனில் தங்கள் விண்ணப்பங்களை சமர்ப்பிக்க வேண்டும்.
எழுத்துத் தேர்வு மூலமாக விண்ணப்பதாரர்கள் தேர்வு செய்யப்படுவார்கள் என்று தெரிகிறது. ஆன்-லைன் முறை பதிவு என்பதால் உங்களுக்கான உபயோகத்தில் உள்ள ஒரு இ-மெயில் முகவரி இருப்பதனை உறுதி செய்யவும். முழுமையான தகவல்களைப் பெற பின்வரும் இணையதளத்தைக் கட்டாயம் பார்க்கவும்.
விண்ணப்பிக்க இறுதி நாள் : 13.01.2012
எழுத்துத் தேர்வு நடைபெறும் நாள் : 19.02.2012
இணையதள முகவரி : [You must be registered and logged in to see this link.]

நன்றி தினமலர்