பேய் இருப்பது தெரியாமல் பேயிடமே பல்பு வாங்கிய நான்...!!!

by **nanjilmano** Tue Dec 27, 2011 9:38 pm

நெருங்கிய நண்பர்களோடு உறவினர்களோடு அமர்ந்து சாப்பிடுவதென்றால் அலாதி பிரியம் எனக்கு, அல்லாமல் ஹோட்டல்களில் போயி தனியாக சாப்பிடுவது குறைவுதான், பழக்கமில்லாதவர்கள் முன்பு அமர்ந்து சாப்பிடுவது எனக்கு சாங்கோஜமா இருக்கும்.

என் சொந்த அக்கா வீட்டில் கூட மச்சானுக்கு முன்பிருந்து சாப்பிட ஒரு மாதிரிதான் இருக்கும், மும்பையில் விருந்துகாரங்க வீட்டுல போயி சாப்பிட நான் படுற பாடு இருக்கே ஹி ஹி என் மனைவி சொல்லி சொல்லி சிரிப்பாள்....

பஹ்ரைன்ல கொலவரம் [[கலவரம்]] தொடங்கியதில் இருந்து ஹோட்டல் ஃபீல்ட் அவுட் ஆகிருச்சு, எத்தனையோ ஹோட்டல் நடத்துன எங்க கம்பெனிக்கு இருப்பது இப்போது ஒரே ஒரு ஹோட்டல்தான்...!!!

நான் லீவில் ஊரில் இருக்கும் போதுதான் இந்த ஹோட்டலை எடுத்து உள்ளார்கள், நான் பஹ்ரைன் வந்ததும் அங்கேயே வேலைக்கு அமர்த்தினார்கள், ஆபீசில் இருந்து சாப்பிட சாங்கோஜமா இருந்ததினால் ஏதாவது ஒரு ரூம் சாவியை எடுத்துகொண்டு,ஹோட்டல் ரூமில் தனியாக இருந்து சாப்பிடுவதுண்டு....

அப்படி ஒரு குறிப்பிட்ட ரூமுக்கு போகும் போது, ஒரு நாள் எதோ [[யாரோ]] உள்ளே இருப்பது போன்ற பிரமை போல தோணும் எனக்கு, கொஞ்சம் பயமாக இருந்தாலும் போயி ஜன்னல் ஸ்கிரீனை எல்லாம் திறந்து [[பயத்தை பாருங்க]] வைத்துவிட்டு சாப்பிட அமர்ந்தாலும் என்னருகில் யாரோ இருப்பது போன்ற உணர்வு...!!!

இது பலநாள் தொடர்கதையா இருந்தது இதை நான் யாரிடமும் சொல்லவில்லை, நான் அந்த ரூமுக்கு சாப்பிடப்போனதும் என் உடம்பெல்லாம் புல்லரிக்கும் ஒரு ஆளுடைய சஞ்சாரம் நல்லாவே புரியும்....!!!

இப்படி இருக்க ஒரு பத்து நாட்களுக்கு முன்பு, எங்கள் ஹோட்டலில் டாக்சி ஓட்டும் பங்காளி, கார் பார்க்கிங்கில் இடம் இல்லாததால், எங்கள் ஹோட்டல் பக்கத்தில் [[அருகில்]] உள்ள பங்களா [[வில்லா]] முன்பு காரை பார்க் செய்து விட்டு காரையும் லாக் பண்ணி விட்டு காரில் அமர்ந்து தூங்க, ஒரு மணி இரவு.......

திடீரென ஒரு முரட்டு கறுத்த மனிதன் காருக்குள் புகுந்து பங்காளி கழுத்தை நெறிக்க, இவன் அலறியும் விடாத கருப்பு ஸாரி கருப்பன்....முக்கி முனகி அலறியபடி எழும்பி இருக்கான், லாக் செய்யப்பட்ட கார் ஓப்பனாக இருந்துள்ளது...

கார் முழுவதும் துர் நாற்றம் [[அதாவது அழுகிய மீன் நாற்றம்]] கார் முழுவதும் ஒரே வைப்ரேஷன் ஆகி இருக்கிறது, வண்டியில் பொருத்தி வைத்து இருந்த மொபைல் போன் கட கட என கிடந்தது ஆடியிருந்தது...

அலறி வெளியே ஓடி வந்து நைட் ஷிஃப்டில் இருந்தவர்களிடம் அவன் வந்து சொல்ல, ஆத்தே அதுக்கு பிறகுதான் விஷயமே தெரிஞ்சது அவ்வ்வ்வ்வ்வ்வ், எங்கள் ஹோட்டல் பக்கத்தில் இருப்பது பேய் பங்க்ளாவாம்.....!!!

வாடகைக்கு என்று போர்ட் வைத்தும் ஒருத்தரும் அதை வாங்கவில்லை பாழடைந்து போயி கிடக்கிறது, அக்கம் பக்கம் விசாரித்தால் திகில் கதையாக சொல்கிறார்கள், நான் சாப்பிடப்போன அந்த ரூம் இருக்கே, நான் ஜன்னலை திறப்பேன் என்று சொன்னேனே அங்கேதான் இந்த பங்களா இருக்கு...

அதே ரூமில் முன்பு ஒருநாள் ஒரு பேமிலி வந்து தங்கி இருந்த போது, ரிஷப்சனுக்கு போன் வந்துள்ளது, இங்கே ரூமில் என்னோடு வேற யாரோ இருக்கிறார்கள் என்று, ஆக என்னமோ நடந்துட்டு இருக்குன்னு இப்போல்லாம் மனசு பக் பக்குன்னு இருக்கு...

சொன்னா நம்புங்க அதாவது அந்த ரூமில் போனதும் வாட்டசாட்டமா ஒரு ஆள் உள்ளே இருக்குற மாதிரியே இருக்கும், எப்பா இனி அந்த பக்கம் போவே போவே போவே........

அந்த பங்களாவை போட்டோ எடுத்து போடணும்னு தொணினாலும், காஞ்சனா படம் ரேஞ்சுக்கு பேய் கம்பியூட்டர்ல வந்து விளையாடிறப்புடாதே என்ற நல்ல எண்ணத்தில் [[ஹி ஹி]] படம் எடுக்கவில்லை....!!![You must be registered and logged in to see this image.]