இந்தியாவில் உள்ள எம்ப்ளாயீஸ் ஸ்டேட் இன்ஸ்யூரன்ஸ் திட்டம் என்பது பல பரிமாணம் கொண்ட ஒரு சமூகப் பாதுகாப்பு திட்டம் என்பதனை நாம் அறிவோம். பணியாளர்களின் சமூகப் பொருளாதாரப் பாதுகாப்பைத் தருவதில் இத்திட்டம் முதன்மையானது.
இந்தத் திட்டத்தின் கீழ் காப்பீடு செய்யப்பட்டவர்கள் பொருளீட்டும் திறனை இழந்துவிடும் பட்சத்தில் அவர்தம் குடும்பத்திற்குப் போதுமான பாதுகாப்பைத் தருவதில் இத்திட்டம் முக்கியப் பங்கு வகிக்கிறது.
மருத்துவம் தொடர்புடைய இந்த நிறுவனத்தில் இன்ஸ்யூரன்ஸ் மெடிக்கல் ஆபிசர் (கிரேடு II) அலோபதி பிரிவிலான மருத்துவ அதிகாரிகள் 75 பேரைப் பணியில் அமர்த்துவதற்கான அறிவிப்பு வெளியாகியுள்ளது. குஜராத் மாநிலத்தில் 67 பணி இடங்களும், இமாச்சலப் பிரதேச மாநிலத்தில் 8 இடங்களும் இந்த நிறுவனத்தால் நிரப்புவதற்கான அறிவிப்பு வெளியாகியுள்ளது.
தேவைகள்: இ.எஸ்.ஐ., கார்பொரேஷனின் மருத்துவ அதிகாரிக்கு விண்ணப்பிக்க விரும்புபவர்கள் 31.01.2012 அன்று 30 வயதுக்கு உட்பட்டவராக இருக்க வேண்டும். அங்கீகரிக்கப்பட்ட பல்கலைக் கழகத்தின் மூலமாக மருத்துவத்தில் பட்டப் படிப்பு முடித்திருக்க வேண்டும்.
ஏனைய விபரங்கள்: மேற்கண்ட பதவிக்கு விண்ணப்பிக்க ரூ.225/-க்கான டி.டி.,யை ஏதேனும் ஒரு ஷெட்யூல்டு வங்கியில் ESI Fund Account No.I என்ற பெயரில் புது டில்லியில் மாற்றத்தக்கதாக எடுக்க வேண்டும். இதன் பின்னர் ஆன்-லைன் முறையில் விண்ணப்பங்களை அனுப்ப வேண்டும்.
ஆன்-லைனில் விண்ணப்பித்த பின்னர் கிடைக்கும் பிரின்ட் அவுட்டுடன் உரிய ஆவணங்களை இணைத்துப் பின்வரும் முகவரிக்கு 31.01.2012க்குள் கிடைக்குமாறு அனுப்ப வேண்டும். விண்ணப்பத்தை அனுப்பும் கவரின் மீது தவறாமல் Application for the post of Insurance Medical Offier Grade&II in ESI Hospitals in____________ என்று குறிப்பிட வேண்டும். முழுமையான விபரங்களை அறிய இணையதளத்தைக் கட்டாயம் பார்க்கவும்.
முகவரி:
Post Bag No.29,
Okhla Industrial Estate Post Office,
New Delhi - 110020.
ஆன்-லைனில் பதிவு செய்ய இறுதி நாள் : 20.01.2012
விண்ணப்பங்கள் சென்றடைய இறுதி நாள் : 31.01.2012
இணையதள முகவரி : [You must be registered and logged in to see this link.]

நன்றி தினமலர்