இந்தியாவில் இயங்கும் பொதுத் துறை வங்கிகளில் பாங்க் ஆப் இந்தியா மிகவும் பிரசித்தி பெற்றது. இந்த வங்கிக்கு நாடு தழுவிய கிளைகள், முற்றிலும் நவீனமயமாக்கப்பட்ட கிளைகள், சிறந்த வாடிக்கையாளர் சேவை போன்ற சிறப்புகள் உள்ளது. இந்தியாவில் உள்ள பொதுத் துறை வங்கிகளில் இந்த வங்கி முன்னணி வகிக்கிறது. பாங்க் ஆப் இந்தியாவில் 167 சார்டர்டு அக்கவுண்டண்ட் பணி இடங்களை நிரப்புவதற்கான அறிவிப்பு வெளியாகியுள்ளது.
தேவைகள் : பாங்க் ஆப் இந்தியாவின் சார்டர்டு அக்கவுன்டன்ட் பதவிக்கு விண்ணப்பிப்பவர்கள் 30.11.2011 அன்று 28 வயதுக்கு உட்பட்டவராக இருக்க வேண்டும். சார்டர்டு அக்கவுன்டன்சி படிப்பின் (சி.ஏ.,) இறுதித் தேர்வை முடித்தவர்கள் மட்டுமே இந்தப் பதவிக்கு விண்ணப்பிக்க முடியும். எழுத்துத் தேர்வு, குழு விவாதம், நேர்காணல் என்ற முறைகளில் இந்தக் காலி இடங்கள் நிரப்பப்படும் என்று அறிவிக்கப்பட்டுள்ளது. எழுத்துத் தேர்வு தமிழ் நாட்டில் சென்னை உள்ளிட்ட நாட்டின் இதர மூன்று மையங்களில் எழுத வேண்டும்.
மற்ற விபரங்கள் : மேற்கண்ட பதவிக்கு விண்ணப்பிக்க ரூ.500/-ஐ ஏதாவது ஒரு பாங்க் ஆப் இந்தியா கிளையில் செலுத்த வேண்டும். இதன் பின்னர் ஆன்-லைன் முறையில் விண்ணப்பங்களை பதிவு செய்ய வேண்டும். ஆன்-லைன் முறையில் விண்ணப்பம் செலுத்த வேண்டியிருப்பதால் உங்களுக்கான உபயோகத்தில் உள்ள ஒரு பிரத்யேக இ-மெயில் முகவரி இருப்பதனையும் உறுதி செய்யவும். முழுமையான தகவல்களை அறிய வங்கியின் இணையதளத்தைப் பார்க்கவும்.
முக்கிய தேதிகள்:
விண்ணப்பக் கட்டணம் செலுத்த இறுதி நாள் : 16.01.2012
ஆன்-லைனில் பதிவு செய்ய இறுதி நாள் : 16.01.2012
எழுத்துத் தேர்வு நடைபெறும் நாள் : 19.02.2012
இணையதள முகவரி : [You must be registered and logged in to see this link.]

நன்றி தினமலர்