இந்தியாவிலுள்ள வங்கிகள் 1969ல் தேசியமயமாக்கப்பட்ட போது பாங்க் ஆப் மகாராஷ்டிரா வங்கியும் உருவானது. அரசுத் துறை சார்ந்த இந்த வங்கியில் உள்ள கிளரிக்கல் காலி இடங்களை நிரப்புவதற்கான அறிவிப்பு வந்துள்ளது. இந்த காலி இடங்கள் தமிழ்நாட்டில் 15ம், ஆந்திராவில் 20ம், கேரளாவில் 5ம்இந்தியாவின் இதர மாநிலங்களில் பல்வேறும் நிரப்பப்படும் என்று அறிவிக்கப்பட்டுள்ளது.
தேவை என்ன: பாங்க் ஆப் மகாராஷ்டிராவின் கிளரிக்கல் பதவிக்கு விண்ணப்பிப்பவர்கள் 01.08.2011 அன்று 18 வயது நிரம்பியவராகவும், 28 வயதுக்கு உட்பட்டவராகவும் இருக்க வேண்டும். இதே தேதியில் +டூவிற்கு நிகரான படிப்பில் குறைந்த பட்சம் 60 சதவிகித மதிப்பெண்களுடன் தேர்ச்சி பெற்றிருக்க வேண்டும். பட்டப் படிப்பை முடித்தவர்களும் விண்ணப்பிக்கலாம். எந்த மாநிலத்திற்கு விண்ணப்பிக்கிறோமோ, அந்த மாநில மொழியை எழுதப் படிக்கத் தெரிந்திருக்க வேண்டும். கடந்த ஆண்டு ஐ.பீ.பி.எஸ்., நடத்திய தேர்வை எழுதி வெற்றிகரமாக தேர்ச்சி பெற்றிருக்க வேண்டும். மேலும் ஐ.பீ.பி.எஸ்., தேர்வை எழுதிய மாநிலம் சார்ந்த பதவிகளுக்கு மட்டுமே விண்ணப்பிக்க முடியும்.
மற்ற தகவல்கள்: பாங்க் ஆப் மகாராஷ்டிராவின் மேற்கண்ட பதவிக்கு விண்ணப்பிக்க விரும்புபவர்கள் ரூ.150/-ஐ சலானின் வாயிலாக ஏதாவது ஒரு பாங்க் ஆப் மகாராஷ்டிரா கிளையில் செலுத்த வேண்டும். எஸ்.சி., எஸ்.டி., மாற்றுத் திறனாளிகள் பிரிவினர் ரூ.50/- மட்டும் செலுத்தினால் போதுமானது. இந்தக் கட்டணத்தை என்.இ.எப்.டி., வாயிலாக இதர வங்கிகளிலிருந்தும் செலுத்தலாம். இதற்கான அக்கவுண்ட் : BOM Clerical Project 2011-12, அக்கவுண்ட் எண் : 60093624604, Payee Bank : Bank of Maharashtra, IFSC Code : MAHAB000150. கட்டணத்தை செலுத்திய பின்னர் ஆன்-லைன் முறையில் விண்ணப்பிக்க வேண்டும். ஆன்-லைனில் விண்ணப்பித்த பின்னர் கிடைக்கும் பிரிண்ட் அவுட்டை எடுத்து எதிர்காலத் தேவைக்காக பத்திரப்படுத்தவும். தற்போது அனுப்பத் தேவையில்லை. முழுமையான தகவல்களைப் பெற இந்த வங்கியின் பின்வரும் இணையதளத்தைப் பார்க்கவும்.
கட்டணம் செலுத்த, ஆன்-லைனில் விண்ணப்பிக்க இறுதி நாள் : 10.05.2012
இணையதள முகவரி : [You must be registered and logged in to see this link.]

நன்றி தினமலர்