ரயில் கட்டணம் உயரலாம்: அமைச்சர் திரிவேதி

புதுடில்லி:"ரயில்வே துறையில் அரசியல்
தலையீடு இருக்கக் கூடாது' என, ரயில்வே அமைச்சர் தினேஷ் திரிவேதி
தெரிவித்துள்ளார். ரயில்வே துறை அமைச்சர் தினேஷ் திரிவேதி இது குறித்து
கூறியதாவது:ரயில்வே துறையில் செலவினங்கள் அதிகரித்த போதும், கடந்த எட்டு
ஆண்டுகளாக, பயணிகள் கட்டணம் உயர்த்தப்படாமல் உள்ளது. எனவே, இந்த
பட்ஜெட்டில் ரயில் கட்டண உயர்வு குறித்து பரிசீலிக்க உள்ளோம். எனினும், ஏழை
மக்களின் நலனையும் கருத்தில் கொண்டுள்ளோம். ரயில்வே துறையில் அனைத்து
கட்டமைப்புகளும் மாற்றி அமைக்கப்பட வேண்டியதுஅவசியம்.ரயில்வேயில்
தொழில்நுட்ப குறுக்கீடு இருக்கலாமேயொழிய, அரசியல் குறுக்கீடுகள் இருக்கக்
கூடாது. இதற்காக அனைத்து எம்.பி.,க்களையும் நான் குறை கூறவில்லை. ரயில்வே
அமைச்சர் மாறினால், திட்டங்களும் மாறி விடுகின்றன. இந்த நிலை இருக்கக்
கூடாது.இவ்வாறு திரிவேதி கூறினார்.
தினமலர்