எதை ஊட்டி வளர்க்க வேணும்?

by **yarlpavanan** Wed Jan 25, 2012 1:45 am

வெளிநாட்டுச் சுற்றுலாப் பயணிகளால்
நாட்டுக்கு வருவாய் கிடைக்கிறதாய்
அரசு முழங்கினாலும் - பாரும்
அவர்கள் விட்டுச் சென்ற
எச்சங்களாய்
இன, மதப் பண்பாடுகள் சீரழிவை...
சுமக்க முடியாத சேலை
கட்டவேண்டியோர்
இடுப்பு, மார்புக் கச்சுகளை மறைக்க
கிழிந்த துணியைப் போர்க்கும் நிலை...
கரும் சுருட்டு, வெண் சுருட்டு,
கரும் தண்ணி(அற்ககோல்), வெண் தண்ணி(கள்ளு)
போதாக்குறைக்கு வைப்பாட்டி எல்லாமே
சுற்றுலாப் பயணிகளால் பரவியதே...
சுற்றுலாப் பயணிகளின் வைப்பாட்டிச் செயல் தான்
நம் நாட்டு விலைமகள் வணிகத்திற்கு
வேராச்சே...
வெளிநாட்டுப் பண்பாடுகள்
நம் நாட்டுக் காற்றில் வீச
நம்ம திரைப்படங்களும் விளம்பரமே...
தாயா, மகளா அழகிலே
பெரியவள் என்ற போட்டியில்
மகள்மார் சீரழியத் தானே முடியும்...
இன்னும் பல இருந்தாலும்
எழுத
என் எழுதுகோல் மறுக்கிறதே!
அறிஞர்களே... பெரியோர்களே...
பாலூட்டிப் பிள்ளை வளர்க்கையிலே
தாய் மொழியோடு பண்பாட்டையும்
ஊட்டி வளர்க்கத் தவறிவிட்டால்
வருங்காலத்தில்
மனிதர்களும் விலங்குகளைப் போல
ஆடையின்றி உலாவ நேரிடுமே!

[You must be registered and logged in to see this image.]

by **கவியருவி ம. ரமேஷ்** Wed Jan 25, 2012 3:20 pm

கடைசி வரியை எதிர்பார்த்துதான் இன்றைய நாகரிக உலகம் நடை போடுகிறது என்று எண்ணத் தோன்றுகிறது...

உலகத்தோற்றத்தின் போத ஆடையின்றி ஆதி காலத்தில் மனிதர்கள் திரிந்தார்கள்...

உலக மறைவின்போது- அழிவின்போது நாம் ஆடையின்றி இருக்கபோகிறோம்

எல்லாம் தொடங்கிய இடத்துக்கே வந்து முடியும் என்ற தத்துவம்தான்

by **நிலாமதி** Thu Jan 26, 2012 5:17 am

அறிஞர்களே... பெரியோர்களே...
பாலூட்டிப் பிள்ளை வளர்க்கையிலே
தாய் மொழியோடு பண்பாட்டையும்
ஊட்டி வளர்க்கத் தவறிவிட்டால்
வருங்காலத்தில்
மனிதர்களும் விலங்குகளைப் போல
ஆடையின்றி உலாவ நேரிடுமே!....

....உண்மை

........ மிக்க மகிழ்ச்சி