வெள்ளைத்தாமரை நடுவினிலே
வீற்று இருக்கும் கலைமகளே
கொள்ளை போகுது உன் செல்வம்
கூறுகட்டித் தெருவெங்கும்.

கல்விகூடமா கடைத்தெருவா?
கல்வியென்ன கடைசரக்கா
எல்லோருக்கும் கல்வியெனும்
திட்டம் எரிந்து போனதுவா?

கலைமகள் நீ விலைமகளாய்
கடையில் ஏனோ சரக்கானாய்?
விலைக்குதான் நீயென்ற
நிலைக்கு ஏனோ உருவானாய்?

வாடிப்போயே பிறந்தாயோ?
வற்றியகுளத்தில் மலர்ந்தாயோ?
தேடிய செல்வம் யாவையுமே
தெருவில் போட்டு உடைத்தாயோ?

இல்லாத ஏழை உன் வீட்டுக்கு
வருவதைகூட தடுக்கின்றாய்.
எல்லாம் உள்ள செல்வந்தனிடமோ
படுக்கையில் கூடப்படுக்கின்றாய்.

சமுதாய வீனையினை
குழந்தையைபோல கையிலேந்தி
அமுதாயும் அழகாயும்
கல்வியென்ற இசை இசைத்தாய்.

இசைத்து நீ பாடுகையில்
பலருக்கு காதில் கேட்கலையாம்
அசைந்து ஆடும் அனைவருமே
செல்வ செழிப்பில் உள்ளவராம்.

வீசும் காற்றில் கலந்திருக்கும்
கல்வியென்கிற கானத்தை
காசும் பணமும் இருந்தால்தான்
காதுகளாலே கேட்கனுமாம்.

கம்பள ஆடை நெய்கின்ற
மீர்ஜாபூர் பதோலியிலே
சம்பளமைந்தே பெறுகின்ற
சிறுவர்களுக்கு கேட்கலையாம்.

சிறுசிறு தொழிலும் கைத்தொழிலும்
செய்துவாழ்க்கை நடத்துகிற
சிறுவர்களுக்கும் மாதர்களுக்கும்
உனது கீதம் கேட்கலையாம்.

உணவு விடுதியில் உணவாகும்
உதிரிக்குழந்தைகள் அவர்களுக்கும்
கனவு நிலையிலும் உனது கீதம்
காதுகளில் போய் விழவில்லையாம்.

குட்டி ஜப்பான் என்று அழைபடும்
சிவகாசி மாநகரினிலே - தீப்
பெட்டி பட்டாசு சிறையிலிருக்கும்
சிறுவர்களுக்கும் கேட்கலையாம்

வானம் அதனை பார்த்தாயா?
சாதியின்றி இனமின்றி - அஞ்
ஞானம் மதமும் இன்றி
ஏழை செல்வர் பிரிவின்றி

எல்லோருக்கும் குடைபோலிருக்கும்
வானபகவான் அவனைப்போல
கல்லாமை இருளை அகற்றும்
கல்விகானம் இசைத்திடு தாயே.

இல்லை இனிமேல் பழையவானம்.
இசைத்திடுவோமா புதிய கானம்
எல்லோருக்கும் கல்வியென்றால்
அதுதான் சமூக விஞ்ஞானம்.

எல்லோருக்கும் அடிப்படைக் கல்வி என்பது இப்போதும் நடைமுறையில் உள்ளது..
-
இலவசமாகவும் வழங்கப்படுகிறது...!
-

தமிழ் தோட்டம் யூஜின்,பகீ, ஹிஷாலி ஆகியோருக்கு என் நெஞ்சார்ந்த நன்றி



வாஞ்சையுடன் சுந்தரபாண்டி

அ.இராமநாதன் wrote:எல்லோருக்கும் அடிப்படைக் கல்வி என்பது இப்போதும் நடைமுறையில் உள்ளது..
-
இலவசமாகவும் வழங்கப்படுகிறது...!
-

ஒவ்வொரு அரசும் தன் ஆட்சியின் சிறப்பை பிதற்றிக் கொண்டு திரிவதற்காக இப்படி ஆயிரத்தெட்டு திட்டங்களை தீட்டிக் கொண்டுதான் இருக்கிறார்கள். அதையேதான் நீங்களும் சொல்லி இருக்கிறீர்கள்.

ஆனால் இவை எல்லாவற்றையும் கடந்து ஒரு விஞ்ஞானப் பூர்வமான கல்வி அனைவரையும் சமமாக மதித்து வழங்கப் படவில்லை என்பதுதானே நிதர்சனமான உண்மை.

நன்றி அய்யா.



வாஞ்சையுடன் சுந்தரபாண்டி

சில வார்த்தைகளைக் கவனமாகப் போடவேண்டிய அடிப்படையை அறிந்துகொள்ளுதல் நலம்.

உங்களின் மிக நல்ல கவிதைகளை வாசித்து வந்த எனக்கு அதிர்ச்சி..

வருந்துகிறேன்..

கலைவேந்தன் wrote:சில வார்த்தைகளைக் கவனமாகப் போடவேண்டிய அடிப்படையை அறிந்துகொள்ளுதல் நலம்.

உங்களின் மிக நல்ல கவிதைகளை வாசித்து வந்த எனக்கு அதிர்ச்சி..

வருந்துகிறேன் ..

எனக்கும் தான் அண்ணா கொஞ்சம் அதிர்ச்சி ...

கவிதை அருமை ...ஆனால் ஸ்டார்ட்டிங் கொஞ்சம் எக்ஸ்ட்ரா ஒர்டினரியா கலைமகளை திட்டுற மாறி இருக்கு

அன்பின் தோழருக்கு வணக்கம் ,...
உங்களின் கவிதையின் நோக்கம் புரிகின்றது ..

இருப்பினும் கலைமகளை சாடிய விதம் எனக்கு நியாயமாக புலப்படவில்லை ..
கலைமகளின் பெயரை கொண்டு குறுக்கு வழியில் சுரண்டும் மனித மிருங்கங்களை , அரசியல் அயோக்கியர்களை சாடீருந்தால் நான் மகிழ்வை அடைந்திருப்பேன்...
நன்றி

கலைவேந்தன் wrote:சில வார்த்தைகளைக் கவனமாகப் போடவேண்டிய அடிப்படையை அறிந்துகொள்ளுதல் நலம்.

உங்களின் மிக நல்ல கவிதைகளை வாசித்து வந்த எனக்கு அதிர்ச்சி..

வருந்துகிறேன்..

உங்களை வருந்த வைத்ததற்காக நானும் வருந்துகிறேன் தோழரே.

கல்வி வியாபாரமாகிவிட்டதில் ஏற்பட்ட கோபத்தால் கொப்புளித்த கவிதைதான் இது.

நூலேந்தும் வயதில் நூல் நூற்றுக் கொண்டிருக்கும் சிறுவர்களைப் பார்க்கிற போது மனசாட்சி உள்ள எந்த கவிஞன்தான் பொறுத்துக் கொண்டிருப்பான்?

மேலே உள்ள கவிதை என் பதினான்காவது வயதில் எழுதப்பட்டக் கவிதை.

இன்று இன்னும் கொஞ்சம் பக்குவம் எனக்கு ஏற்பட்டுள்ளது.

இப்போது உள்ள பக்குவத்தில் அதை எழுதி இருந்தால் மேலே உள்ள உங்கள் விமர்சனத்தை நான் தவிர்த்திருக்க இயலும்.

ஆனால் இப்போது உள்ள என் திறனைப் பயன் படுத்தி அதை அறுவை சிகிச்சை செய்ய நான் விரும்பவில்லை.

என்ன எழுதப் பட்டதோ அதை அப்படியே வெளியிடவே நான் விரும்பினேன்.

ஆனாலும் எனக்கென்னவோ பக்குவத்தால் எழுதப் படும் கவிதைகளைவிட கோபத்தில் எழுதப் படும் கவிதைகளே சற்று உயிர்ப்பு உள்ளதாக தோன்றுகிறது.

ஏனென்றால் அந்த கோபம் உங்களுக்குப் பிடித்த அதே பாரதியிடமிருந்துதான் கடன் வாங்கப் பட்டது.

அன்பு நண்பரின் கருத்துக்கு நன்றி.



வாஞ்சையுடன் சுந்தரபாண்டி

தங்கை கலை wrote:

கலைவேந்தன் wrote:சில வார்த்தைகளைக் கவனமாகப் போடவேண்டிய அடிப்படையை அறிந்துகொள்ளுதல் நலம்.

உங்களின் மிக நல்ல கவிதைகளை வாசித்து வந்த எனக்கு அதிர்ச்சி..

வருந்துகிறேன் ..

[You must be registered and logged in to see this image.]


எனக்கும் தான் அண்ணா கொஞ்சம் அதிர்ச்சி ...

கவிதை அருமை ...ஆனால் ஸ்டார்ட்டிங் கொஞ்சம் எக்ஸ்ட்ரா ஒர்டினரியா கலைமகளை திட்டுற மாறி இருக்கு

அன்புத் தங்கை கலை அதிர்ந்துபோனதில் நானும் சற்று அதிர்ந்து போனேன்.

கலைமகள் என்பது கலைமகளை குறிக்காமல் கல்வித்துறையைத் தான் குறிக்கும் தங்கையே.

பல முன்னணி கவிஞர்களே கூட பாரதமாதாவை குறை சொல்லி எழுதியுள்ளதால் அவர்கள் தேசப் பற்று இல்லாதவர்கள் என்று பொருளில்லை.மாறாக வேறு யாரையும் விட அவர்களே அதிகம் தேசப் பற்றுள்ளவர்கள்.ஏனென்றால் உண்மையில் அவர்கள் எதிப்பது பாரதமாதாவை அல்ல; ஆட்சியாளர்களை.

அதேப் போல்தான் கலைமகளை நான் பெரிதும் போற்றுகிறேன்.சொல்லப் போனால் மேலே உள்ள கவிதையை எழுத வைத்தவளே அவள்தான்.

நன்றி கலை



வாஞ்சையுடன் சுந்தரபாண்டி

அரசன் wrote:அன்பின் தோழருக்கு வணக்கம் ,...
உங்களின் கவிதையின் நோக்கம் புரிகின்றது ..

இருப்பினும் கலைமகளை சாடிய விதம் எனக்கு நியாயமாக புலப்படவில்லை ..
கலைமகளின் பெயரை கொண்டு குறுக்கு வழியில் சுரண்டும் மனித மிருங்கங்களை , அரசியல் அயோக்கியர்களை சாடீருந்தால் நான் மகிழ்வை அடைந்திருப்பேன்...
நன்றி

கவிதையின் நோக்கத்தைப் புரிந்து கொண்ட தோழருக்கு நன்றி.

கலைமகள் என்னும் கற்பனை தெய்வத்தின் மீது எனக்கும் அளவு கடந்த பக்திதான் நண்பரே.நீங்கள் சொல்லும் அயோக்கியத் தனத்தை தான் நானும் சாடியிருக்கிறேன் தோழா. அது ஒருவகையான உருவகம்; அவ்வளவுதான்.

நன்றி நண்பரே



வாஞ்சையுடன் சுந்தரபாண்டி

ஆரோக்கியமான விவாதங்கள் தோட்டத்தின் வளர்ச்சிக்கு வித்திடுகிறது... நாம் வளரவும் படைப்பாளர்கள் வாசகர்கள் கூர்மையடையவும் தோட்டம் சிறந்த களமாக இருக்கிறது

மகிழ்ச்சியே...

கலைமகளின் கையில்
தங்க வீணை
பெற்றோர்களின் வியர்வை

இது என் கல்விப் பற்றிய ஒரு சென்ரியு

கவியருவி ம. ரமேஷ் wrote:ஆரோக்கியமான விவாதங்கள் தோட்டத்தின் வளர்ச்சிக்கு வித்திடுகிறது... நாம் வளரவும் படைப்பாளர்கள் வாசகர்கள் கூர்மையடையவும் தோட்டம் சிறந்த களமாக இருக்கிறது

மகிழ்ச்சியே...

கலைமகளின் கையில்
தங்க வீணை
பெற்றோர்களின் வியர்வை

இது என் கல்விப் பற்றிய ஒரு சென்ரியு

நன்றி நண்பரே



வாஞ்சையுடன் சுந்தரபாண்டி