நேற்று வரைஅப்படித்தான் நினைத்திருந்தேன்

by **அ.இராமநாதன்** Fri Feb 17, 2012 3:42 pm

ஒரு ரானுவ முகாம். அதிலேயே குடும்பத்தோடு வசித்திடவும், கல்யாணமாகாதவர்கள்
தங்கிடவும் வீடுகள். அந்த முகாமின் தலைவர் ஒரு ப்ரிகேடியர். அவர் வாரா வாரம்
முகாமில் உள்ள அனைவருக்கும் விருந்து அளித்திடுவார்.

அந்த ப்ரிகேடியருக்கு ஒரு பெண். விருந்தின் போது தன்னை அறிமுகப் படுத்திக்
கொள்ள அவள், "நான் ப்ரிகேடியரின் மகள்" என்று சொல்வாள். அவளுடன் பேசும் போது
ஏதேனும் தவறு செய்து விட்டால் அது ப்ரிகேடியருக்குப் போய்ச் சேர்ந்து விடுமோ
என்ற பயத்தில் அவளைத் தவிர்ப்பதில் எல்லோருமே ஆர்வமாக இருந்தனர். அதனால்
விருந்துகள் நடக்கும் போது அவள் தனிமையில் விடப் பட்டாள்.

மனமுடைந்தவள் தன் தாயிடம் கேட்டாள், "அம்மா விருந்துகளில் ஏன் எப்போதும்
என்னிடம் யாரும் நெருங்கியே பழகுவதில்லை?"

தாய் சொன்னாள், "கண்ணே உனது தவறு என்ன தெரியுமா? நீ எப்போதும் ப்ரிகேடியரின்
பெண் என நினைத்துக் கொண்டிருக்கிறாய். அப்படியே பிறரிடம் நடந்து கொள்கிறாய்."

அடுத்த நாள் விருந்தொன்று. அதில் புதிதாக ஒரு விருந்தாளி வந்திருந்தார்.
அவருகக்குத் தன்னை அறிமுகம் செய்துகொள்ள ஆரம்பித்தாள் ப்ரிகேடியரின் மகள்,
"நான்..." அவள் ஆரம்பித்ததை முடிக்க வில்லை. அதற்குள் புதிய விருந்தாளி
சொன்னார், "தெரியும் தெரியும். ப்ரிகேடியர் மகள்" என்று.

ப்ரிகேடியர் மகள் சொன்னாள், "அப்படித்தான் நேற்று வரை நினைத்திருந்தேன். என்
அம்மா வேறுவிதமாக நினைக்கிறாள்."

by **dhilipdsp** Fri Feb 17, 2012 3:48 pm

[You must be registered and logged in to see this image.]

by **கவியருவி ம. ரமேஷ்** Fri Feb 17, 2012 6:39 pm

பகிர்ந்து கொண்டமைக்கு மகிழ்ச்சி ஐயா சியர்ஸ்

by **arony** Sat Feb 18, 2012 2:01 pm

//ப்ரிகேடியர் மகள் சொன்னாள், "அப்படித்தான் நேற்று வரை நினைத்திருந்தேன். என்
அம்மா வேறுவிதமாக நினைக்கிறாள்."//

ஹா..ஹா..ஹா.... பிள்ளைகளுக்குச் சொல்லிக்கொடுக்கும்போது ஒழுங்காகச் சொலிக்கொடுக்கோணும். <img src=