அஞ்சறை பெட்டி போன்ற மனது

அஞ்சறை பெட்டி போன்ற மனது (எழுத்து - மோகன்)

வேலையில் சிரமம் வீடு வந்தால் மனைவியிடம் எரிந்து விழுவது. அம்மா அப்பாவிடம் கோபம் கொள்வது.

படிப்பில் பிரச்சனை அதனால் மற்ற நேரங்களில் சோகம்.

உடல் நலம் சரியில்லை அதனால் படிப்பில் கவனம் இல்லை.

காதல் தோல்வி அதனால் வேலையில் நாட்டம் இல்லை.

இப்படி கஷ்டபடுபவர்களுக்கு நான் வெகு நாளாக வெற்றிகரமாக பழகும் ஒரு தத்துவத்தை பகிர்ந்துக் கொள்கிறேன். இதை நான் அஞ்சறை பெட்டி மனம் என்று அழைக்கிறேன்.

சமயலறையில் அஞ்சறைப் பெட்டி கண்டதுண்டா. மிளகு, சீரகம், உளுத்தம் பருப்பு, ஏலம் என்று 5 அறைகள் இருக்கும். ஆனாலும் ஒன்றுக்கொன்று கலக்காமல் மணமும் மாறாமல் இருக்கும்.

நம் மனதும் அப்படி இருந்தால்....

நம் மனதை பல அறைகளாக பிரிப்போம் முதலில்.

1. கல்வி
2. வேலை
3. திருமண வாழ்கை
4. நட்பு
5. பொழுது போக்கு
6. பிள்ளைகள்
7. தனி நேரம்

இல்லை இன்னும் சில அறைகள் உங்கள் வாழ்கைக்கு ஏற்ற மாதிரி ஏற்படுத்திக் கொள்ளுங்கள்.

ஒரு அறையில் ஏற்படும் வெற்றி தோல்விகள் இன்னொரு அறையை பாதிக்காமல் பார்த்துக் கொள்ளுங்கள். மிகவும் கடினம் தான்.

முயற்சி செய்து பாருங்கள். அலுவலகத்தில் மேல் அதிகாரி திட்டினாரா. வீட்டிற்கு வந்ததும் உங்களிடமே சொல்லிக் கொள்ளுங்கள். நான் வேலை என்ற அறையை விட்டு வீடு என்ற இன்னொரு அறைக்கு வந்து விட்டேன். மற்ற அறையின் நிகழ்வுகள் இந்த அறையை பாதிக்கக் கூடாது. பாதிக்காமல் பார்த்துக் கொள்வேன்.

சிரித்த முகத்தோடு மனைவி, மக்கள், பெற்றோரை எதிர் கொள்ளுங்கள்.

வீட்டில் மனைவியுடன் சண்டையா. அலுவலகம் வந்ததும் நீங்கள் இன்னொரு அறைக்கு வந்துவிட்டீர்கள். வீட்டை மறந்து விடுங்கள்.
அனைவருக்கும் காலை வணக்கம் சொல்லுங்கள். முகத்தில் சிரிப்பை விடாதீர்கள். அனைவருக்கும் உதவி செய்யுங்கள்.

கோபத்தை, வெறுப்பை, துக்கத்தை ஒரு அறைக்குள் விட்டுவிடுங்கள். பிரச்சனைகளை தனிமை படுத்தவதன் மூலம் அதை அடக்கும் எதிர் கொள்ளும் சக்தி நமக்கு அதிகமாகிவிடுகிறது.

சண்டயிட்ட சாப்பிடாமல் போனால் உடல் நலம் பாதிக்கும். வீட்டில் தாராளமாக சண்டை போடுங்கள். ஆனால உணவுக்கு வேண்டாம் என்று சொல்லாதீர்கள்.

அலுவலகத்தில் பிரச்சனை இருக்கலாம். ஆனால் வீட்டிற்கு வந்து எத்தனை வேலை தெரியுமா. எத்தனை பிரச்சனை தெரியுமா என்று மனைவியிடம் கத்தாதீர்கள்.

இவ்வாறாக நம் வாழ்கையில் அஞ்சறை பெட்டி போன்று மனதை பக்குவப்படுத்திக் கொண்டு வாழ்ந்தால் இல்லை எது கவலை.

வாழ்கையில் மகிழ்ச்சியே மகிழ்ச்சி தான்.

நன்றி மோகன்