ஒளிவு மறைவு

by **அ.இராமநாதன்** Mon Feb 27, 2012 1:47 pm

திறவுகோல் தேடியெடுத்து

கதவு திறந்ததும்

உள்ளே பாய்ந்தது

வெளிச்ச வெள்ளம்

ஒளிந்திட இடந்தேடியது

இருள்…!

மனதின் அடுக்குகுளில்.

-

பட்டறிவாம் காற்றும்

விரைந்தோடிப் பரவ

உறையாய்ப் படர்ந்து

அப்பிக் கிடந்த அழுக்கும்

புழுக்கமும் பனியாய்க்

கரைந்து போவதென்ன மாயம்..?

-

திரை திரையாய்த் தொங்கிய

மூட நூலாம்படைகள்

திட்டுத் திட்டாய் வீங்கிய

பொறாமைப் புற்றுக்கள்

முடை நாற்ற வௌவால் எச்சங்கள்

கடைவிரிக்கும் அருவருப்புக் கரப்பான்கள

இன்னமுள குப்பை கூளங்கள்

கணநேர கதிர்வீச்சில்

மறைந்து ஒழிய கோவிலாச்சு

மனவீடு…!

-

============================

>அமரன்

நன்றி: ஓம் சக்தி, பிப்ரவரி,2012