பொதுத் துறை வங்கிகளில் ஒன்றான அலகாபாத் வங்கியைப் பற்றி அனைவரும் அறிவோம். சிறந்த வாடிக்கையாளர் சேவை, நவீனமயமான கிளைகள், நாடு தழுவிய கிளைகளுக்காக இந்த வங்கி அனைவராலும் அறியப்படுகிறது. இந்த வங்கியில் 1600 புரொபேஷனரி அதிகாரிகளைப் பணி நியமனம் செய்வதற்கான அறிவிப்பு வெளியாகியுள்ளது. இந்தப் பணி இடங்களுக்கு
அரசு நிபந்தனைகளுக்கு உட்பட்டு இட ஒதுக்கீடும் உள்ளது.
தேவைகள்: அலகாபாத் வங்கியின் புரொபேஷனரி அதிகாரி பதவிக்கு விண்ணப்பிக்க குறைந்த பட்சம் 20 வயது நிரம்பியவராகவும், அதிகபட்சம் 30 வயதுக்கு உட்பட்டவராகவும் இருக்க வேண்டும். இந்தப் பதவிக்கு விண்ணப்பிக்க ஏதாவது ஒரு புலத்தில் அங்கீகரிக்கப்பட்ட கல்வி நிறுவனத்தின் மூலமாக பட்டப் படிப்பை முடித்திருக்க வேண்டும். மேலும், கடந்த வருடம் ஐ.பீ.பி.எஸ்., அமைப்பு நடத்திய அதிகாரிகளுக்கான பொது நுழைவுத் தேர்வை எதிர்கொண்டு நிர்ணயிக்கப்பட்ட குறைந்த பட்ச மதிப்பெண்களையும் பெற்றிருக்க வேண்டும். இந்தத் தேர்வு மதிப்பெண்கள் பிரிவு வாரியாக குறைந்த பட்ச வரையறைகளை கொண்டுள்ளன. பொதுப்பிரிவைச் சார்ந்த மாணவர்கள் ஒவ்வொரு பிரிவிலும் குறைந்த பட்சம் 24 மதிப்பெண்களையும், எஸ்.சி., எஸ்.டி., ஓ.பி.சி., மற்றும் மாற்றுத் திறனாளிகள் பிரிவைச் சார்ந்தவர்கள் குறைந்த பட்சம் 21 மதிப்பெண்களையும் பெற்றிருக்க வேண்டும்.
ஒட்டு மொத்த வெயிடட் ஆவரேஜ் மதிப்பெண்கள் பொதுப் பிரிவுக்கு 125 ஆகவும், இதர பிரிவினருக்கு 112 ஆகவும் நிர்ணயிக்கப்பட்டுள்ளது. முழுமையான விபரங்களுக்கு இந்த வங்கியின் இணையதளத்தைப் பார்க்கவும். இந்த குறைந்த பட்ச தகுதிகளுடன் கம்ப்யூட்டரில் பணி புரியத் தக்க திறமை அல்லது சான்றிதழ் படிப்பு அல்லது கல்வித் தகுதி தேவைப்படும்.
இதர விபரங்கள்: அலகாபாத் வங்கியின் புரொபேஷனரி அதிகாரி பதவிக்கு விண்ணப்பிப்பவர்களில் தகுதி உடையவர்களுக்கு மட்டும் குழுவிவாதம் அல்லது நேர்காணலுக்கான அழைப்பு அனுப்பப்படும். புரொபேஷனரி அதிகாரி பதவிக்கு விண்ணப்பிக்க பொதுப் பிரிவு மற்றும் ஓ.பி.சி., பிரிவைச் சார்ந்தவர்கள் ரூ.200/-ம் எஸ்.சி., எஸ்.டி., மாற்றுத் திறனாளிகள் ரூ.50/-ம் இந்த வங்கிக் கிளை ஒன்றில் டவுன்லோடு செய்து பெறப்பட்ட சலானின் மூலமாக 50087755346 என்ற அக்கவுண்ட் எண்ணில் செலுத்த வேண்டும். முழுமையான விபரங்களை அறிய இணையதளத்தைப் பார்க்கவும்.
விண்ணப்பிக்க இறுதி நாள் : 10.03.2012
இணையதள முகவரி: [You must be registered and logged in to see this link.]


நன்றி தினமலர்