இந்தியாவில் இயங்கி வரும் பொதுத் துறை பொது இன்ஸ்யூரன்ஸ் நிறுவனங்கள் 4 உள்ளன. இவற்றில் நேஷனல் இன்ஸ்யூரன்ஸ் நிறுவனமும் ஒன்று. கோல்கட்டாவை தலைமையகமாகக் கொண்ட இந்த நிறுவனத்தில் இன்ஜினியரிங், ஹெல்த், நிதி, ஆக்சுவரியல், லீகல் மற்றும் ஜெனரலிஸ்ட் பிரிவுகளில் மொத்தம் 330 நிர்வாக அதிகாரி பதவிகளை நிரப்புவதற்கான அறிவிப்பு வெளியாகியுள்ளது.
தேவைகள்: நேஷனல் இன்ஸ்யூரன்ஸ் நிறுவனத்தின் ஸ்பெஷலிஸ்ட் மற்றும் ஜெனரலிஸ்ட் பிரிவு அதிகாரி பதவிக்கு விண்ணப்பிப்பவர்கள் 01.01.2012 அன்று 21 வயது நிரம்பியவராக இருக்க வேண்டும். இன்ஜினியரிங் பிரிவுக்கு விண்ணப்பிப்பவர்கள் ஆட்டோமொபைல், மெக்கானிகல், எலக்ட்ரிகல், சிவில் மற்றும் கெமிக்கல் ஆகிய பிரிவுகள் ஏதாவது ஒன்றில் பட்டப் படிப்பை முடித்திருக்க வேண்டும். ஹெல்த் பிரிவுக்கு எம்.பி.பி.எஸ்., பி.ஏ.எம்.எஸ்., பி.எச்.எம்.எஸ்., ஆகிய ஏதாவது மருத்துவப் பட்டப் படிப்பை முடித்தவர்கள் விண்ணப்பிக்கலாம். நிதிப் பிரிவுக்கு ஐ.சி.ஏ.ஐ., எம்.காம்., பி.காம்., படிப்புக்குப் பின்னர் எம்.பி.ஏ.,வில் நிதிப் பிரிவு முடித்தவர்கள் விண்ணப்பிக்கலாம். ஆக்சுவரியல் பிரிவுக்கு புள்ளியியல், கணிதம், ஆக்சுவரியல் பிரிவு ஒன்றில் பட்டப் படிப்பை முடித்து அதன் பின்னர் ஆக்சுவரியல் சொசைட்டி ஆப் இந்தியாவின் தாள்களில் குறைந்த பட்சம் மூன்றை முடித்தவர்கள் விண்ணப்பிக்கலாம்.
இதர தகவல்கள்: எழுத்துத் தேர்வு மற்றும் நேர்காணல் மூலமாக இந்தப் பதவிகள் நிரப்பப்படும் என்று தெரிகிறது. எழுத்துத் தேர்வை 22.04.2012 அன்று தமிழ் நாட்டின் சென்னை மற்றும் கோவை மற்றும் நமக்கு அருகிலுள்ள மா நில மையங்களான பெங்களூரு, மற்றும் கொச்சியில் எதிர்கொள்ளலாம். இந்தப் பதவிக்கு விண்ணப்பிக்க ஆண்கள், பெண்கள் மற்றும் எஸ்.சி., எஸ்.டி., உடல் ஊனமுற்றோர் என்று மூன்று பிரிவுகளாக கட்டணம் மாறுபடுகிறது. ஆண் விண்ணப்பதாரர்கள் ரூ.425/-ம், பெண் விண்ணப்பதாரர்கள் ரூ.225/-ம், எஸ்.சி., எஸ்.டி., உடல் ஊனமுற்ற பிரிவினர் ரூ.75/-ம் ஏதாவது ஒரு இந்தியன் வங்கிக் கிளையின் அக்கவுண்ட் எண் 6008050653 மூலமாக செலுத்த வேண்டும். இதன் பின்னர் ஆன்-லைனில் உங்கள் விண்ணப்பங்களைப் பதிவு செய்ய வேண்டும். முழுமையான தகவல்களுக்கு கட்டாயம் இணையதளத்தைப் பார்க்கவும்.
ஆன்-லைனில் பதிவு செய்ய இறுதி நாள் : 17.03.2012
எழுத்துத் தேர்வு நடைபெறும் நாள் : 22.04.2012
இணையதள முகவரி: [You must be registered and logged in to see this link.]


நன்றி தினமலர்