இந்தியாவின் பொதுத் துறை வங்கிகளில் முக்கியமான ஒன்றான யூகோ வங்கி நவீனமயமான கிளைகள், சிறந்த சேவைகளுக்காக இந்த வங்கி அனைவராலும் அறியப்படுகிறது. இந்த வங்கியில் 1100 புரொபேஷனரி அதிகாரிகளைப் பணி நியமனம் செய்வதற்கான அறிவிப்பு வெளியாகியுள்ளது. இந்தப் பணி இடங்களுக்கு அரசு நிபந்தனைகளுக்கு உட்பட்டு இட ஒதுக்கீடும் உள்ளது.
தேவைகள்: யூகோ வங்கியின் புரொபேஷனரி அதிகாரி பதவிக்கு விண்ணப்பிக்க குறைந்த பட்சம் 20 வயது நிரம்பியவராகவும், அதிகபட்சம் 30 வயதுக்கு உட்பட்டவராகவும் இருக்க வேண்டும். அங்கீகாரம் பெற்ற கல்வி நிறுவனத்தின் மூலமாகக் குறைந்த பட்சம் 55 சதவிகித மதிப்பெண்களுடன் பட்டப் படிப்பை முடித்திருக்க வேண்டும். இத்துடன் கடந்த வருடம் ஐ.பீ.பி.எஸ்., அமைப்பு நடத்திய அதிகாரிகளுக்கான பொது நுழைவுத் தேர்வை எதிர்கொண்டு நிர்ணயிக்கப்பட்ட குறைந்த பட்ச மதிப்பெண்களையும் பெற்றிருக்க வேண்டும். இந்தத் தேர்வு மதிப்பெண்கள் பிரிவு வாரியாக குறைந்த பட்ச வரையறைகளை கொண்டுள்ளன. ஒட்டு மொத்த வெயிடட் ஆவரேஜ் மதிப்பெண்கள் பொதுப் பிரிவுக்கு 136 ஆகவும், இதர பிரிவினருக்கு 126 ஆகவும் நிர்ணயிக்கப்பட்டுள்ளது. முழுமையான விபரங்களுக்கு இந்த வங்கியின் இணையதளத்தைப் பார்க்கவும்.
இதர விபரங்கள்: யூகோ புரொபேஷனரி அதிகாரி பதவிக்கு விண்ணப்பிப்பவர்களில் தகுதி உடையவர்களுக்கு மட்டும் நேர்காணலுக்கான அழைப்பு அனுப்பப்படும். பதவிக்குத் தேர்ந்தெடுக்கப்பட்டால் பிணையப் பத்திரத்தில் கையெழுத்திட வேண்டியிருக்கும். புரொபேஷனரி அதிகாரி பதவிக்கு விண்ணப்பிக்க பொதுப் பிரிவு மற்றும் ஓ.பி.சி., பிரிவைச் சார்ந்தவர்கள் ரூ.200/-ம் எஸ்.சி., எஸ்.டி., மாற்றுத் திறனாளிகள் ரூ.50/-ம் டவுன்லோடு செய்து பெறப்பட்ட சலானின் மூலமாக இந்த வங்கிக் கிளை ஒன்றில் செலுத்த வேண்டும். முழுமையான விபரங்களை அறிய இணையதளத்தைப் பார்க்கவும்.
விண்ணப்பிக்க இறுதி நாள் : 17.03.2012
இணையதள முகவரி : [You must be registered and logged in to see this link.]




நன்றி தினமலர்