போரில் கொல்லப்பட்ட பொதுமக்கள் எண்ணிக்கையை மிகைப்படுத்தி கூற புலிகளால் நிர்ப்பந்திக்கப்பட்டோம்! முல்லை. வைத்திய அதிகாரி சாட்சியம்

[You must be registered and logged in to see this image.]

யுத்தத்தில் காயப்பட்ட அல்லது கொல்லப்பட்ட பொதுமக்களின் எண்ணிக்கையை மிகைப்படுத்திக் கூற வேண்டும் என்று தமிழீழ விடுதலைப் புலிகள் நிர்ப்பந்தித்து இருந்தார்கள் என முல்லைத்தீவு மாவட்ட வைத்திய அதிகாரி வைத்திய கலாநிதி வி.சண்முகராஜா நேற்று கொழும்பில் தேசிய நல்லிணக்க ஆணைக்குழு முன் சாட்சியம் வழங்கியபோது தெரிவித்தார்.

அவர் அச்சாட்சியத்தில் மேலும் தெரிவித்துள்ளவை வருமாறு:-

”காயப்பட்ட அல்லது கொல்லப்பட்ட பொதுமக்களின் எண்ணிக்கை மூன்று மடங்குகளாக திரித்துக் கூறப்பட்டது. காயப்பட்ட அல்லது கொல்லப்பட்ட பொதுமக்களை வைத்தியசாலைகளுக்கு எடுத்து வருகின்றபோது எல்லாம் புலிகளின் வீடியோ படப்பிடிப்பாளர் ஒருவர் படப்பிடிப்பு நடவடிகைகளில் ஈடுபட்டு இருப்பார்.

வன்னியில் வைத்தியசாலைகளுக்கு புலிகள் எவ்விதமான நிதி உதவியும் வழங்கி இருக்கவில்லை. ஆனால் புலிகளின் வைத்தியர்களும், தாதிமாரும் வைத்திய மற்றும் மருத்துவ சேவைகளை வழங்கினார்கள். வன்னியில் 30 வைத்தியசாலைகள் இருந்தன.

ஆனால் இரு வைத்தியசாலைகள் மாத்திரமே செயற்பட்டன. புலிகளின் கட்டுப்பாட்டுப் பகுதிகளில் இருந்து தப்பிச் செல்ல முயன்ற பொதுமக்கள் புலிகளாலேயே சுடப்பட்டனர்.

வைத்தியசாலைகளுக்கு சிகிச்சை பெற கொண்டு வரப்பட்டோரில் அநேகமானோர் எறிகணைகளாலும், துப்பாக்கி ரவைகளாலும் காயப்பட்ட வர்கள் ஆவர்.

ஆனால் சிகிச்சை பெற வந்தவர்கள் எவரும் வைத்தியசாலை நிர்வாகத்தால் பாரபட்சமாக நடத்தப்படவில்லை. பொதுமக்களுக்கும் சரி, புலிகளுக்கும் சரி ஒரே மாதிரியான சிகிச்சைகளைத்தான் வழங்கினோம். ”

நன்றி தமிழ் சி என் என்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்