[center]முருகன் தமிழ்க் கடவுள் என்பர்.
தமிழ் என்றால் எண்ணம் - சொல் - செயல் என்னும்
முத்தமிழ் என்பதால், அறிவு தத்துவம் என்பதால்,
அறியாமை என்னும் மயில் மீது ஏறி,
உலகம் சுற்றி வந்து ஞானப் பழம் கிடைக்காமல்
போனதால், உலகம் முழுவதும் மண்டியுள்ள
அறியாமையை அறிவு கொண்டு தான் வெல்ல முடியும்.
ஆட்சி செய்ய முடியும் என்பதே
முருகன் மயில் மீது அமர்ந்த கோலம்.



மனித எண்ணங்கள் - இயல் தமிழ்
மனித சொற்கள் , பாட்டுக்கள் - இசைத் தமிழ்.
வாழ்ந்து காட்டும் தன்மை வழி காட்டும் தன்மை தான்
நாடகத் தமிழ்.
முத்தமிழ் என சங்கம் வளர்த்த காரணம்.
முருகன் என்ற சொல்லுக்கு,
எண்ணத்தாலும் - சொல்லாலும் - செயலாலும் -
அறியாமையை அடக்கி அறிவுச்
சுடரை அணுகி அதன்படி வாழ்ந்து காட்டுதலே
மனித நோக்கம்.
இதனை உணர்த்துவதே முருக தத்துவமாகும்.

இச்சா சக்தி - வள்ளி - விருப்பப்படி செயல்படுவது
கிரியா சக்தி - தெய்வானை - தானாக செயல் படுவது.


ஆறு அறிவு என்பது
புலன்களின் மூலமாக ஐந்து அறிவும்,
பகுத்து அறியும் பகுத்து உணரும் தன்மை
கொண்ட ஞான அறிவும் சேர்ந்து
மனிதர்களுக்கு ஆறு அறிவு.


கண் அல்லது ஒளித் தத்துவம் - திருச் செந்தூர்.
செவித் தத்துவம் - சுவாமி மலை.
வாய் தத்துவம் - திருத்தணி
மெய் தத்துவம் - பழமுதிர்ச் சோலை.
மூக்குத் தத்துவம் - திருப்பரங்குன்றம்.
பகுத்து உணரும் பகுத்தறிவு அல்லது
ஞானத் தத்துவம் - பழனி.
( இதற்கான விளக்கம் நீளும் என்பதனால் தரப்படவில்லை)


ஆறு ஆதார நிலைகளைக் கடந்தால்,
( குண்டலினி சக்தி )
ஞான அறிவு கிட்டும் என்று
மறை முகமாக, மெய்ஞானிகள்
அறிவுறித்தி உள்ளனர்.


ஐந்து அறிவினால் உண்டாகும் நன்மை, தீமைகளால்
விளையும் நற்பலன்களும்,
தீய பலன்களும் அற்றுப் போகும்போது
ஞானம் பெற்றவன், பற்று அற்றவனாகின்றான்.
அப்போது அவனது நிலையே ஆண்டி நிலையாகும் .