இதுவும் காதல் தான்......

by **தமிழ்1981** Fri Mar 02, 2012 6:32 pm

தமிழ் தோட்டத்தில் நண்பர் யாழ் பாவணன் பதிந்துள்ளது போல் காதல் அனுபவங்கள் நான் கேட்ட, நண்பர்கள் / தோழிகளின் அனுபவங்கள், நண்பர்களின் நண்பர்களின் காதல் ( காதல் என்றால் யாருக்கு வேண்டுமென்றாலும் செய்வோம்ல) பல வகையான காதலைப் பற்றி இதில் நான் குறிப்பிடுகின்றேன்.... பெயரை மாற்றி சொல்கின்றேன்....

முதல் அனுபவம்.... ஓர் உயர்ந்த "ஒரு தலை காதலைப்" பற்றியது....... இவர் ஒரு புகழ் பெற்ற மனிதர் ஆதலால் ..... அவரைப் பற்றிய விபரங்கள்... இலை மறை காயாக.....

நம கதையின் கதாநாயகி அவர்.... ஒரு கல்லூரி மாணவி.... கல்லூரி காலத்தில் நண்பர் ஒருவரை... ஒரு தலை பட்சமாக காதலித்து உள்ளார்... காதலை சொல்லியும் உள்ளார்... ஆனால் அவர் இவரின் காதலை ஏற்காமல் அவர் மற்றொரு பெண்னை காதலித்து உள்ளார்... தான் காதலித்த பெண்ணையே திருமணம் செய்யவும் முடிவெடுத்துள்ளார்.... இதனால் மனமொடிந்த நம் கதாநாயகி.... அவரிடம் சொல்லியது.....

" என் காதல் உங்களிடம் தோற்றாலும், அக்காதலைக் கொண்டு தான் வாழ்வேன்... தங்கள் நினைவோடு... உங்களை காதலித்தேன் என்ற நினைவு ஒன்றே போதும் எனக்கு நான் வாழ... ஆனால் கட்டாயம் நான் தங்கள் முன்பாக தான் வாழ்வேன், வாழ்ந்து காட்டுவேன், நல்ல வழியில்" என்று சூளுரைத்தார்.....

காதலனுக்கும் திருமணம் முடிந்தது..... நம் கதாநாயகி பட்ட மேற்படிப்பு படித்து, திருமணம் முடிக்காமல், காதலன் இருக்கும் ஊரிலேயே கல்லுரியில் "விரிவுரையாளராக" பணியில் அமர்ந்தார்......( காமராஜர் பிறந்த ஊரில் உள்ள கல்லூரி) மேலும் ஆண்கள் மீது நாட்டம் இல்லாதவராக இருந்தாலும் மிகுந்த பண்பு, அன்பும், கண்டிப்பும் உடையவர் ஆதலால்...... அவரை கல்லூரி நிர்வாகம் " விடுதி காப்பாளராக" நியமித்தது......

அந்த பணியிலும் நேரம், காலம் பாராது மாணவிகளின் ஒழுக்கத்தை பெரிதும் விரும்பியவர். அவர்களின் எதிர்காலத்திற்காய் பொறுப்புடன் இரவு நேரங்களில் கூட திடீர் விஜயம் செய்வார்...... மேலும் விடுதியில் தங்கியிருக்கும் மாணவியர்க்கு அவர்களின் பெற்றோரின் நினைவு வராத அளவிற்கு நன்கு பழகும் குணம் உடையவர்.... கல்லூரி வெளியில் கூட மாணவிகளின் நடத்தைகளை சரி செய்பவர்... இப்போது கல்லூரியில் இருந்து ஓய்வு பெற்றுவிட்டார்......

இன்றளவும் தோற்றுப் போன காதலுக்காய் அதன் நினைவுகளுடன், காதல் தோற்றதை எண்ணி வாழ்க்கையில் தோற்று விடாமல், தான் விரும்பியவருக்கு முன்பே வாழ்ந்து காட்டிய பெண்மணி அவர்..... அவரை வாழ வைத்தது " காதல்" தான்.......