அரசனுக்குப் புகட்டிய பாடம்

by **V.Annasamy** Mon Nov 22, 2010 5:38 pm

(சிந்திக்க வைக்கும் ஓர் கவிதை)

பாராளும் தலைவன் புலன் அடக்க
ஓரிரு தினம் வேறிடம் இருக்கையில்
பேரழகி ஒருத்தி அங்கு அவன்நிலை
பாராது, குலைத்து ஓடினாள்.

வெகுண்ட வேந்தன் தகுந்த தண்டனை
புகுத்தி மகிழுமுன் அவளோ உகுக்கும்
கண்ணீரோடு ' உங்கள் புலனும் சினமும்
விண்ணிலும் அடங்குமா என்றாள்".

மேலும் அவள் " கொல்லும் எண்ணத்தில்
வேலோடு ஒருவன் என்னை கால்தலை
தெறிக்க விரட்டிடவே என்னிலை மறந்தேன்,
அறியாத பிழை" என்றாள்.

கூற்றை முடிக்குமுன் "ஆற்றல் நிரம்பப்
பெற்ற மனிதன் எச்சூழலையும் ஏற்று
புலன் அடக்கலாமென" இயம்பினாள். அவளுக்கு
நலந்தரு விடுதலையும் கிட்டியதே !!