சென்ரியுவாய்த் திருக்குறள் 54

by **கவியருவி ம. ரமேஷ்** Sat Mar 03, 2012 7:43 am

குறள் 54:
பெண்ணின் பெருந்தக்க யாவுள கற்பென்னும்
திண்மைஉண் டாகப் பெறின்.
கலைஞர் உரை:
கற்பென்னும் திண்மை கொண்ட பெண்மையின் உறுதிப் பண்பைப் பெற்றுவிட்டால், அதைவிடப் பெருமைக்குரியது வேறு யாது?.
மு.வ உரை:
இல்வாழ்க்கையில் கற்பு என்னும் உறுதிநிலை இருக்கப் பெற்றால், பெண்ணைவிட பெருமையுடையவை வேறு என்ன இருக்கின்றன?.
சாலமன் பாப்பையா உரை:
கற்பு எனப்படும் மன உறுதி மட்டும் பெண்ணிடம் இருக்குமானால் மனைவியைக் காட்டிலும் மேலானவை எவை?

ம. ரமேஷ் சென்ரியு

இல்வாழ்க்கையின்
உறுதி நிலை
மனைவியின் கற்பு

dhilipdspசென்ரியு

இல்வாழ்க்கையில்
உறுதி கொண்ட கற்பு
பெண்மையின் பெருமை

ஹிஷாலீ சென்ரியு

வறுமையிலும்
வாசம் மாற கற்பு
மண்ணின் பெருமை

பிறப்பில் குறையிருந்தாலும்
வளர்ப்பில் வானம் தொடுவது
கற்பின் இலக்கணம்

மாற்றுத்திறனாளி
இல்லா பிறப்பு
பெண்ணின் கற்பு

தளிரின் சென்ரியு

ஈடில்லா இல்லறத்தின்
இலக்கணம்
இல்லால் கற்பு!

இல்வாழ்க்கையில் இலக்கணமாக அமைவது மனைவியின் உறுதியான கற்பு!

by **dhilipdsp** Sat Mar 03, 2012 9:17 am

இல்வாழ்க்கையில்
உறுதி கொண்ட கற்பு
பெண்மையின் பெருமை

by **கவியருவி ம. ரமேஷ்** Sat Mar 03, 2012 10:55 am

நன்றாக இருக்கிறது நண்பரே... முதல் பதிவில் தங்களின் சென்ரியுவையும் சேர்த்துள்ளேன்...

விருப்பமிருப்பின் தாங்கள் இப்பகுதிக்கு தொடர்ந்து சென்ரியு எழுதலாமே.. மிக்க மகிழ்ச்சி

by **ஹிஷாலீ** Sat Mar 03, 2012 12:32 pm

ஹிஷாலீ சென்ரியு

வறுமையிலும்
வாசம் மாற கற்பு
மண்ணின் பெருமை

பிறப்பில் குறையிருந்தாலும்
வளர்ப்பில் வானம் தொடுவது
கற்பின் இலக்கணம்

மாற்றுத்திறனாளி
இல்லா பிறப்பு
பெண்ணின் கற்பு