வாகனம் கவிழ்ந்து சிதறிய ரூ 10 லட்சம் நாணயங்களை சேகரித்து கொடுத்த மக்கள்!!

[You must be registered and logged in to see this image.]

சென்னை ரிசர்வ் வங்கியில் இருந்து தமிழகம் முழுவதும் ஸ்டேட் வங்கிகளுக்கு பல கோடி மதிப்புள்ள நாணயங்களை பட்டுவாடா செய்யும் பணியை, தனியார் நிறுவனம் குத்தகைக்கு எடுத்துள்ளது.

நாணயங்கள் ஒரு கன்டெய்னர் வாகனம் மூலம் நீலகிரி வந்தது. கூடலூர் வங்கிக்கு ரூ.10 லட்சம் நாணயங்களை சப்ளை செய்ய சென்றது. கல்லட்டியில், வாகனத்தை சாலையோரம் நிறுத்திவிட்டு அருகில் இருந்த டீ கடைக்கு சென்று, ராமமூர்த்தி உள்ளிட்ட 4 டிரைவர்கள் டீ குடித்தனர்.

பின் ராமமூர்த்தி வாகனத்தில் ஏறி ஸ்டார்ட் செய்துள்ளார். ஸ்டார்ட் செய்தவுடன் பிரேக் பிடிக்காமல் பள்ளத்தை நோக்கி சென்றது.

மரங்களை உடைத்துக் கொண்டு 50 அடி பள்ளத்தில் பாய்ந்து சர்ச் ஒன்றுக்கு செல்லும் சாலையில் போய் வாகனம் கவிழ்ந்தது. டிரைவர் ராமமூர்த்திக்கு காலில் எலும்பு முறிந்தது. இதில், வாகனத்தில் இருந்த நாணய மூட்டைகள் சிதறி கிழே விழுந்துள்ளன.

சிதறி கிடந்த நாணயங்கள் பொதுமக்கள், போலீசார் உதவியுடன் சேகரிக்கப்பட்டன. வழக்கமாக இதுபோல் நாணயங்கள் சிதறி விழுந்தால், பொதுமக்கள் அங்கு கூடி அதை எடுத்து சென்றுவிடுவது வழக்கம்.

ஆனால் கல்லட்டி பகுதி மக்கள், நாணயங்களை சேகரித்து கொடுக்க உதவியதோடு, டிரைவரையும் ஆம்புலன்சில் ஏற்றி அனுப்பி வைத்தனர்.

by **arony** Sat Mar 10, 2012 3:10 pm

மக்கள் திருந்திட்டாங்க... எது முக்கியம் வாழ்க்கைக்கு என்பதனை உணர்ந்திட்டாங்கபோல வாகனம் கவிழ்ந்து சிதறிய ரூ 10 லட்சம் நாணயங்களை சேகரித்து கொடுத்த மக்கள்!! 69767