இந்திய அரசின் அணுசக்தித் துறையின் கீழ் இயங்கி வரும் நியூக்ளியர் பவர் கார்ப்பரேஷன் ஆப் இந்தியா (என்.பி.சி.ஐ.எல்.,) நிறுவனம் ஒரு பொதுத் துறை நிறுவனமாகும். இந்தியாவிற்கு தேவையான மின்சாரத்தை அணுசக்தி மூலமாக தயாரிப்பது மற்றும் புதிய முறைகளைக் கண்டுபிடிப்பது இந்த நிறுவனத்தின் தலையாய பணியாக உள்ளது. இந்த நிறுவனத்தில் இன்ஜினியரிங் பிரிவில் எக்ஸிக்யூடிவ் டிரெய்னிக்களை பதவியில் அமர்த்துவதற்கான அறிவிப்பு வெளியாகியுள்ளது.
பிரிவுகள்: என்.பி.சி.ஐ.எல்., நிறுவனத்தில் மேற்கண்ட பதவி மெக்கானிகல், எலக்ட்ரிகல், எலக்ட்ரானிக்ஸ், கெமிக்கல், இன்ஸ்ட்ரூமென்டேஷன் ஆகிய பிரிவுகளில் மொத்தம் 250 ஆக நிரப்பப்பட உள்ளது.
தேவைகள்: என்.பி.சி.ஐ.எல்., நிறுவனத்தின் எக்ஸிக்யூடிவ் டிரெய்னி பதவிக்கு விண்ணப்பிப்பவர்கள் 01.07.2012 அன்று 26 வயதுக்கு உட்பட்டவராகவும் இருக்க வேண்டும். உச்ச பட்ச வயதில் அரசு நிபந்தனைகளின்படி சலுகையும் உள்ளது. இந்தப் பதவிக்கு விண்ணப்பிக்க தொடர்புடைய பிரிவில் குறைந்த பட்சம் 60 சதவிகித மதிப்பெண்களுடன் பி.இ., பி.டெக்., அல்லது 4 ஆண்டு படிக்கும் பி.எஸ்சி., இன்ஜினியரிங் படிப்பை முடித்திருக்க வேண்டும். தற்போது இறுதித் தேர்வை மேற்கொண்டு வரும் நவம்பர் மாதத்திற்குள் பட்டத்தைப் பெறுபவர்களும் இந்தப் பதவிக்கு விண்ணப்பிக்கலாம். இந்தப் பதவிக்கு ஆன்-லைன் இன்ஜினியரிங் தேர்வு நடத்தப்பட்டு தேர்வு செய்யப்படுவார்கள் என்று அறிவிக்கப்பட்டுள்ளது.
இதர தகவல்கள்: நியூக்ளியர் பவர் கார்ப்பரேஷனின் எக்ஸிக்யூடிவ் டிரெய்னி பதவிக்கு விண்ணப்பிக்க ரூ.250/-ஐக் கட்டணமாக செலுத்த வேண்டியிருக்கும். கட்டணம் செலுத்துவது, விண்ணப்பிப்பது போன்ற ஒவ்வொரு பிரிவிலும் இந்த நிறுவனத்தின் சார்பாக பல்வேறு வரையறைகள் கூறப்பட்டுள்ளன. எனவே முதலில் இந்த நிறுவனத்தின் பின்வரும் இணையதளத்தைப் பார்த்து முழுமையான தகவல்களை அறியுமாறு அறிவுறுத்தப்படுகிறார்கள்.
விண்ணப்பக் கட்டணம் செலுத்த, ஆன்-லைனில் பதிவு செய்ய இறுதி நாள் : 18.03.2012
ஆன்-லைன் தேர்வு நடைபெறும் நாள் : 16.04.2012 முதல் 22.04.2012 வரை
இணையதள முகவரி : [You must be registered and logged in to see this link.]


நன்றி தினமலர்