சென்ரியுவாய்த் திருக்குறள் 70

by **கவியருவி ம. ரமேஷ்** Mon Mar 12, 2012 8:57 pm

குறள் 70:
மகன்தந்தைக்கு ஆற்றும் உதவி இவன்தந்தை
என்நோற்றான் கொல்எனும் சொல்.
கலைஞர் உரை:
ஆகா! இவனைப் பிள்ளையாகப் பெற்றது இவன் தந்தை பெற்ற பெரும்பேறு, என்று ஒரு மகன் புகழப்படுவதுதான், அவன் தன்னுடைய தந்தைக்குச் செய்யக்கூடிய கைம்மாறு எனப்படும்.
மு.வ உரை:
மகன் தன் தந்தைக்குச் செய்யத் தக்க கைம்மாறு, இவன் தந்தை இவனை மகனாகப் பெற என்ன தவம் செய்தானோ என்று பிறர் புகழ்ந்து சொல்லும் சொல்லாகும்.
சாலமன் பாப்பையா உரை:
தன்னைக் கல்வி அறிவு உடையவனாய் ஆளாக்கிய தந்தைக்கு மகன் செய்யும் கைம்மாறு, பிள்ளையின் ஒழுக்கத்தையும் அறிவையும் கண்டவர், இப்பிள்ளையைப் பெறுவதற்கு இவன் தகப்பன் என்ன தவம் செய்தானோ என்று சொல்லும் சொல்லைப் பெற்றுத் தருவதே.

ம. ரமேஷ் சென்ரியு

பெற்றோர்க்கு
மகனின் கைமாறு
புகழ்சேர்த்தல்தான்

ஹிஷாலீ சென்ரியு

ஒழுக்கம் அறிவு
போற்றும் பண்புடைய மகன்
தந்தைக்கு கைம்மாறு

nadinarayananசென்ரியு

இவனை பெற்றெடுத்த
தந்தை பல தவம் செய்தானோ ?
மகன் பெற்றான் ஞானம்

தளிரின் சென்ரியு

தந்தை செய்த தவம்
மகன் ஈட்டும்
புகழ்!

தந்தைக்கு மகன் செய்யும் உதவி புகழ் ஈட்டலே!