அந்த திருக்கோவில்

by **செய்தாலி** Tue Mar 13, 2012 1:06 pm

[You must be registered and logged in to see this image.]

வான் முகத்தில்
படிந்திருந்த இருளை
மெல்ல மெல்ல துடைத்தது
கதிரொளிக் குழந்தைகள்

அன்ன நடையிடும்
மேகங்களுக்கு இடையே
ஒளிந்து விளையாடிக்கொண்டிருந்தது
மூன்றாம் பிறை

அதிகாலை
பனிமூட்டங்களை அங்கும் இங்குமாய்
அலைக்கழித்துக் கொண்டிருந்தது
வீதியில் சுற்றும் காற்று

சுப்ரபாதமும்
சந்தனதிரி சாம்பராணி புகைகளின்
நறுமணங்கள் எழுப்பியது
அக்ரகார வீதியை

தண்ணீர்தெளித்து
அடித்து பெருக்கிய முற்றத்தில்
மங்கலகராமாய் மலர்ந்தது
பலவண்ணக் கோலங்கள்

ஸ்லோகத்தை
இதழில் மெல்ல உச்சரித்தபடி
கிணற்றடியில் நீராடிக் கொண்டிருந்தார்
குருக்கள்

அர்ச்சனைப் பூக்கள்
அபிஷேகப் பொருட்களுமாய்
விடியாத வீதியில் நடைதுறக்க
அவசரமாய்

ஆலய
மணியோசையில் சிதறிப் பறந்தது
கோபுரத்தில் உறங்கியிருந்த
புறாக்கள்

கிரிகைகளை
முடித்து குருக்கள் நடைதிறக்க
பக்தி பரவேசமுமாய் பக்த
கூட்டங்கள்

குறையுடன்
நிற்கும் பக்த மனங்களில்
கடக்ஷமாய் காட்சியளித்தார்
கடவுள்

தீப ஆராதனையை
கண்ணில் தொட்டும் பொட்டுதொட்டும்
அகமுணர்ந்து தொழுதார்கள்
வாடிக்கைப் பக்தர்கள்

உச்சுக்கொட்டியும்
கன்னத்தில் போட்டபடியும்
வாசலிலே தொழுதார்கள் அவசரமாய்
எங்கோ புறப்பட்டு செல்பவர்கள்

வெளியே
வாசலோரத்தில் பூ கட்டும் பெண்
தேங்காய் விற்கும் மூதாட்டி
செருப்பிற்கு காவலிருக்கும் பையன்

கருவேலம்
நடை அடைத்தபின்
திரைமறைவில் வழிபட்டார்கள்
நேரம் தாழ்ந்து வந்தவர்கள்

ஆசை நிறைவேற
அங்க அடியென கோவிலை சுற்றி
சுயகாணிக்கை வழிபாட்டில்
ஆண்களும் பெண்களும்

எண்ணம்
நிறைவேறிய சந்தோசத்தில்
ஆவேசமாய் தேங்காய் உடைக்கும்
ஏழைப் பக்தன்

ஜென்மநாள்
பாவப்பட்ட ஏழைகளின் பசிக்கு
அன்னம் உபசரித்துக் கொண்டிருந்தான்
பணக்கார பக்தன்

சாமியை
தொழும் அப்பா அம்மா
இருவரின் முகத்தை உற்றுப்பார்த்தபடி
இடுப்பில் கைகுழந்தை

விழியடைத்து
கண்ணீர் மல்க தொழுதாள்
மணமாகி பத்தாண்டு கழிந்தும்
கருவறை குளிராத பெண்

கடவுளின்
சன்னதியில் குங்குமம் இருந்தும்
திருநீர் பூசினாள் தாலி இழந்த
கன்னி விதவை

மோதியோர்
இல்லத்திற்குள் எட்டி உதைத்த
பிள்ளைகளின் நலனுக்காக பிராத்திக்கும்
தாய்

நலம்குன்றிய
உறவுகளுக்காக நட்புக்காக
எத்தனையோ மனிதர்களின் பிராத்தனை
சன்னதி தரையில் கண்ணீர் துளிகள்

சிந்தனையை
சிதறவிட்டு தொழுதுகொண்டிருந்தான்
புதுச்செருப்பை வெளியே
விட்டுவந்தவன்

அகமுணர்ந்து
தரிசனத்தை சலனப்படுத்துகிறது
சன்னதியிலும் அணைத்துவைக்கபடாத
கைபேசி

தேர்வில் தேர ,வேலைகிடைக்க
காதல் கைகூட ,வியாபாரம் பெருக
நல்ல மணவாழ்க்கை அமைய
பேரம் பேசுபவர்கள்

காதல்
தரிசனத்திற்காக ஆங்காங்கே
காத்துக் கிடக்கும் ஒற்றைக்
காதலர்கள்

சுய
துக்கங்களை களைந்து
மண்டப தூண்களில் சாய்ந்தபடி
சிலர் மெல்ல அயர்ந்த்தார்கள்

சில
பெருசுகள் மௌனமாகவும்
சிறுசுகள் எதையோ பேசிக்கொண்டும்
குழந்தைகள் விளையாடியும்

பக்தர்களின்
அகத்தில் உதிர்ந்த கருணை
பிச்சைக்க்ரனின் திருவோட்டில் சலசலத்தது
சில்லறைக்காசுகள்

கடவுள் சன்னதியில்
நிம்மதியை பல உருவங்களில்
தேடி அலைகிறார்கள்
மனிதர்கள்

சன்னதிகளில்
தஞ்சம் புகும் பக்கதர்கள்
விதியை பழிக்கிறார்கள் சபிக்கிறார்கள்
இறைவனை மறந்து

நான் பாதி நீ பாதி
மனிதர்களுக்கான இறைவனின் வாக்கு
அர்த்தம் புரியாதவன் இன்னும் பழிக்கிறான்
இறைவனை

சுய
கர்மம் கொண்டு தேடுபவர்களே
தன்னையும் இறைவனையும்
உணர்கிறார்கள்

நிறை குறைகளை
இறைக்கிச் செல்லும் பக்கதர்கள்
பாரங்களை சுமந்துகொண்டு சனதியில்
கடவுள்

by **தங்கை கலை** Tue Mar 13, 2012 1:24 pm

அண்ணா ஸுபேரா இருக்கு ...

ரெண்டு மூணு தரம் படிச்சிப் போட்டேன் ...செம சூப்பர் அண்ணா .....

(டீச்சர் ஓடி வாங்கள்,எங்க அண்ணா நிறைய ஸ்பெல்லிங் மிஸ்டேக் பண்ணி இருக்காங்கள் ஆழவிடுங்கப்பா நானில்

)

by **கவியருவி ம. ரமேஷ்** Tue Mar 13, 2012 7:17 pm

காட்சிகளின் விரிவு... பொதுவாகக் கோயில்களில் இப்படித்தான் இருக்கிறது...

நெடிய கவிதைக்குப் பாராட்டுகள் நண்பரே மிக்க மகிழ்ச்சி

by **அரசன்** Tue Mar 13, 2012 7:22 pm

அப்படியே கண்ணுக்குள் நீள்கிறது அந்த காட்சிகள்... மீண்டும் ஒரு தரமான கவிதை வழங்கிய உங்களுக்கு என் வாழ்த்துக்கள் தோழா ...

by **செய்தாலி** Tue Mar 13, 2012 7:25 pm

தங்கை கலை wrote:அண்ணா ஸுபேரா இருக்கு ...

ரெண்டு மூணு தரம் படிச்சிப் போட்டேன் ...செம சூப்பர் அண்ணா .....

(டீச்சர் ஓடி வாங்கள்,எங்க அண்ணா நிறைய ஸ்பெல்லிங் மிஸ்டேக் பண்ணி இருக்காங்கள் )

டீச்சர் கிட்ட
அண்ணனை காட்டிக் கொடுக்கலாமா தங்கச்சி அந்த திருக்கோவில் 2077966078

கருத்திற்கு நன்றி கலை அன்பு மலர்

by **செய்தாலி** Tue Mar 13, 2012 7:26 pm

கவியருவி ம. ரமேஷ் wrote:காட்சிகளின் விரிவு... பொதுவாகக் கோயில்களில் இப்படித்தான் இருக்கிறது...

நெடிய கவிதைக்குப் பாராட்டுகள் நண்பரே

மிக்க நன்றி கவிஞரே
இன்னும் நீடிருக்கும் வாசிப்பவர் சலித்துக்கொள்வார்கள் என்று சுருக்கிவிட்டேன்

by **செய்தாலி** Tue Mar 13, 2012 7:27 pm

அரசன் wrote:அப்படியே கண்ணுக்குள் நீள்கிறது அந்த காட்சிகள்... மீண்டும் ஒரு தரமான கவிதை வழங்கிய உங்களுக்கு என் வாழ்த்துக்கள் தோழா ...

மிக்க நன்றி நண்பா

பாராட்டுக்கள் கவிஞரே, கலக்குறீங்க [You must be registered and logged in to see this image.]

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

அந்த திருக்கோவில்

அந்த திருக்கோவில்

Re: அந்த திருக்கோவில்

Re: அந்த திருக்கோவில்

Re: அந்த திருக்கோவில்

Re: அந்த திருக்கோவில்

Re: அந்த திருக்கோவில்

Re: அந்த திருக்கோவில்

Re: அந்த திருக்கோவில்

Re: அந்த திருக்கோவில்