பயணிகள் ரெயில்கட்டணத்தை உயர்த்தியதை கண்டித்து தன் கட்சியைச் சேர்ந்த தினேஷ் திரிவேதியை மத்திய மந்திரி பதவியில் இருந்து நீக்க வேண்டும் என்று பிரதமருக்கு திரிணாமுல் காங்கிரஸ் தலைவரும் மேற்கு வங்க முதல்-மந்திரியுமான மம்தா பானர்ஜி கூறியுள்ளார்.

தினேஷ் திரிவேதிக்கு பதில் முகுல்ராயை மத்திய ரெயில்வே மந்திரியாக்க வேண்டும் என்பது மம்தா பானர்ஜியின் கோரிக்கையாகும். பாராளுமன்றத்தில் நேற்று இந்த விவகாரம் பெரும் புயலை கிளப்பியது. இதற்கிடையே தினேஷ் திரிவேதி ராஜினாமா செய்ததாக வதந்தி பரவியது. அந்த தகவலை மறுத்த தினேஷ் திரிவேதி, 'என்னை பிரதமரோ அல்லது மம்தாவோ ராஜினாமா செய்ய சொன்னால் மறுநிமிடமே ராஜினாமா செய்து விடுவேன்' என்றார். ஆனால் மத்திய அரசு இந்த விவகாரத்தில் அவசரம் காட்டாமல் நிதானமாக உள்ளது. பட்ஜெட் கூட்டத்தொடரின் முதல் பகுதி முடிந்த பிறகு மந்திரிகள் மாற்றத்தை செய்யலாம் என்ற முடிவில் இருப்பதாக தெரிகிறது.

பட்ஜெட் கூட்டத்தொடரின் முதல் பகுதி மார்ச் 31-ந்தேதி முடிகிறது. அதுவரை பொறுமையாக இருக்க இயலாது என்று காங்கிரஸ் தலைவர்களிடம் திரிணாமுல் காங்கிரஸ் எம்.பி.க்கள் கூறியுள்ளனர். இந்த நிலையில் காங்கிரசுக்கு மம்தா பானர்ஜி திடீர் 'கெடு' விதித்துள்ளதாக தகவல் வெளியாகி உள்ளது. 17-ந் தேதிக்குள் (சனிக்கிழமை) மத்திய ரெயில்வே மந்திரி பதவியில் இருந்து தினேஷ் திரிவேதியை நீக்க வேண்டும் என்று அந்த 'கெடு' வில் மம்தா குறிப்பிட்டுள்ளார். இதையடுத்து இன்று (வெள்ளி) பொது பட்ஜெட் தாக்கல் செய்து முடிக்கப்பட்டதும் தினேஷ் திரிவேதி விவகாரத்தில் ஆலோசனை செய்து முடிவு எடுக்கலாம் என்று மத்திய அரசு உறுதி கூறியிருப்பதாக தெரிகிறது.

எனவே தினேஷ் திரிவேதி மத்திய மந்திரி பதவியில் இருந்து விலக்கப்படுவது உறுதியாகி விட்டது. அவரிடம் எப்போது ராஜினாமா கடிதம் பெறப்படும் என்பதுதான் கேள்விக்குறியாக உள்ளது. தினேஷ் திரிவேதிக்கு பதில் மம்தா பானர்ஜி பரிந்துரை செய்துள்ள முகுல்ராயை பிரதமர் மன்மோன்சிங் விரும்பவில்லை என்று கூறப்படுகிறது. அதில் சுமூக தீர்வு ஏற்பட்டதும் தினேஷ் திரிவேதி நீக்கம் பற்றிய அறிவிப்பு வெளியிடப்படும் என்று எதிர்பார்க்கப்படுகிறது. அனேகமாக நாளை அல்லது நாளை மறுநாள் புதிய ரெயில்வே மந்திரி தொடர்பான அறிவிப்புகள் வெளியாகும் என்று தெரிகிறது

"பயணிகள் ரெயில்கட்டணத்தை உயர்த்தியதை கண்டித்து தன் கட்சியைச் சேர்ந்த தினேஷ் திரிவேதியை மத்திய மந்திரி பதவியில் இருந்து நீக்க வேண்டும் என்று பிரதமருக்கு திரிணாமுல் காங்கிரஸ் தலைவரும் மேற்கு வங்க முதல்-மந்திரியுமான மம்தா பானர்ஜி கூறியுள்ளார்." தன் கட்சியைச் சார்ந்தவராய் இருந்தாலும் மக்களின் நலனுக்கு தீங்கு விளைவிக்கும் நடவடிக்கை எடுக்கின்றார் என்பதை அறிந்தவுடன்.. அவரை மந்திரி பதவியில் இருந்து நீக்க சொல்வதற்கு மம்தாக்கு பாராட்டுக்கள்....

இங்கும் ஒரு தமிழினத் தலைவர் இருக்கின்றார்.... 40 அமைச்சர்கள் இருந்த போதும், தமிழினமே அழிந்த போது, ஒன்றுமே சொல்லாமல், வெறும் 3 மணி நேரம் மட்டுமே உண்ணாவிரதம் இருந்தவர்.....எங்கள் இனத்தின் தலைவர், காவலர்... என்ன செய்ய தானாக நடக்க முடியாவிட்டாலும், பதவியை விட முடியவில்லை....