இலங்கைக்கு எதிரான அமெரிக்காவின் தீர்மானம்: வெற்றி

by **தமிழ்1981** Thu Mar 22, 2012 6:39 pm

இலங்கைக்கு எதிரான அமெரிக்காவின் தீர்மானம்: இந்தியா உள்பட 24 நாடுகள் ஆதரவுடன் வெற்றி

ஜெனீவா, மார்ச்.22-

இலங்கையில் நடந்த இறுதிக்கட்ட போரின்போது பல்லாயிரக்கணக்கான அப்பாவி ஈழ தமிழர்கள் படுகொலை செய்யப்பட்டனர். உயிர் தப்பிய தமிழர்களின் வாழ்வாதாரங்கள் அழிக்கப்பட்டன. பெண்கள் பாலியல் சித்ரவதை செய்து ஈவு இரக்கமின்றி கொல்லப்பட்டனர்.

இலங்கையில் நடந்த இந்த கொடூர செயல்களுக்கான ஆதாரங்கள் தற்போது ஒவ்வொன்றாக வெளியாகி வருகின்றன. மனதை பதறவைக்கும் இந்த காட்சிகளை கண்டு உலகமே அதிர்ச்சியில் ஆழ்ந்துள்ளது. இலங்கைக்கு எதிராக ஐ.நா.மனித உரிமை பேரவையில் அமெரிக்கா தீர்மானம் கொண்டு வந்துள்ளது. அந்த தீர்மானம் மீது தற்போது விவாதம் நடந்து வருகிறது.

ஐ.நா. மனித உரிமைகள் பேரவையில் உறுப்பினர்களாக 47 நாடுகள் உள்ளன. தீர்மானம் வெற்றி பெற 24 நாடுகளின் ஆதரவு தேவை.

இன்று நடைபெற்ற வாக்கெடுப்பில் இந்த தீர்மானத்துக்கு ஆதரவாக இந்தியா உள்ளிட்ட 24 நாடுகள் வாக்களித்தன. 15 நாடுகள் தீர்மானத்திற்கு எதிராக வாக்களித்தன. 8 நாடுகள் வாக்கெடுப்பை புறக்கணித்து நடுநிலைமை வகித்தன.

இதன்மூலம் அமெரிக்கா கொண்டு வந்த இலங்கைக்கு எதிரான தீர்மானம் வெற்றி பெற்றுள்ளது. இதனையடுத்து ஈழத் தமிழர்களின் வாழ்வில் விடிவு பிறக்கும் என சர்வதேச மக்களால் எதிர்பார்க்கப்படுகிறது.

நன்றி : மாலை மலர்

by **அ.இராமநாதன்** Thu Mar 22, 2012 6:43 pm

[You must be registered and logged in to see this image.]
-
வாக்குறுதியை நிறைவேற்றினார் பிரதமர்:
கடந்த வாரம் இலங்கைக்கு எதிரான தீர்மானத்திற்கு
இந்தியா ஆதரவளிக்க வேண்டும் என பார்லி.,யில்
தமிழக எம்.பி.,க்கள் குரல் எழுப்பினர்,

இந்நேரத்தில் பதில் அளித்த பிரதமர் இலங்கைக்கு எதிரான
தீர்மானத்தில் அமெரிக்காவை ஆதரிக்க விருப்பம் இருப்பதாக
தெரிவித்திருந்தார் .

இதன்படி இந்தியா தமிழர்கள் ஆசையை நிறைவேற்றியிருக்கிறது.

by **கவியருவி ம. ரமேஷ்** Thu Mar 22, 2012 7:12 pm

தீர்மானத்தையும் போராட்டத்தையும் பார்க்கும்போது,

தமிழ்நாட்டுத் தமிழர்கள் அரசியல்வாதிகள் பிற அமைப்புகளைத் தவிர - இந்தியாவைத் தவிர மற்ற எல்லா நாடுகளும் இலங்கைத் தமிழர்களின் நலனில் பெருத்த முயற்சியில் ஈடுபட்டுள்ளது என்பதைத் தீர்மானங்களும் போராட்டங்களும் காட்டுகின்றன.

உணர்ச்சியற்றத் இந்தியத் தமிழர்களைத் தவிர உலகத் தமிழர்களின் உணர்ச்சின் போராட்டத்துக்கு வாழ்த்துகள் பாராட்டுகள். இந்தியத் தமிழர்கள் கைவிட்டாலும் உலகத் தமிழர்கள் இனி இலங்கைத் தமிழர்களை இனி கைவிட மாட்டார்கள்.

by **தமிழ்1981** Thu Mar 22, 2012 7:29 pm

கவியருவி அவர்களே, தாங்கள் சொன்னதுப் போல் இத்தீர்மானம் நிறைவேற இந்திய தமிழர்களின் பங்கு குறைவு தான் எனினும் இதிலும் நாம் மகிழக் கூடிய வரலாறு காணாத ஒரு நிகழ்ச்சி நடந்துள்ளது...... அது

அமெரிக்கா கொண்டுவரும் தீர்மாணத்தை இந்தியா ஆதரிக்க வேண்டுமென்று ...தமிழக இரண்டு திராவிடக் கட்சிகளும் ஒருமித்து குரல் எழுப்பியது..... பெரிய விஷ்யமல்லவா.......

ஆனால் இதிலும் நம் க(கொ)லைஞர் கட்சி தனது இரட்டை வேடத்தை காட்டியது வேதனைக்குரிய விஷயம்..... இத்தீர்மானம் குறித்த வாக்கெடுப்பு நாடாளுமன்றத்தில் நடந்தபோது கனிமொழி, திருச்சி சிவா மற்றும் எல்லா திமுக உறுப்பினர்களும் "கேண்டினில்" உளுந்த வடை சாப்பிடச் சென்று விட்டனர்....

அண்ணன் சொல்லியது போல்.... இனி இலங்கைத் தமிழரின் எதிர்காலம் உலகில் உள்ள ஒவ்வொரு தமிழனும் கைகளில் தான்.......

by **கவியருவி ம. ரமேஷ்** Fri Mar 23, 2012 5:13 pm

இனியாவது நாம் விழிப்படைந்து போராடவேண்டும்.

தமிழர்கள் முன்வருவார்களா என்று தெரியவில்லை?

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

இலங்கைக்கு எதிரான அமெரிக்காவின் தீர்மானம்: வெற்றி

இலங்கைக்கு எதிரான அமெரிக்காவின் தீர்மானம்: வெற்றி

Re: இலங்கைக்கு எதிரான அமெரிக்காவின் தீர்மானம்: வெற்றி

Re: இலங்கைக்கு எதிரான அமெரிக்காவின் தீர்மானம்: வெற்றி

Re: இலங்கைக்கு எதிரான அமெரிக்காவின் தீர்மானம்: வெற்றி

Re: இலங்கைக்கு எதிரான அமெரிக்காவின் தீர்மானம்: வெற்றி

Re: இலங்கைக்கு எதிரான அமெரிக்காவின் தீர்மானம்: வெற்றி