தலைமை நீதிபதிக்கு எதிரான தீர்மானம் நிராகரிப்பு

by **அ.இராமநாதன்** Mon Apr 23, 2018 3:03 pm

புதுடில்லி :
சுப்ரீம் கோர்ட் தலைமை நீதிபதி தீபக் மிஸ்ராவுக்கு எதிராக
ராஜ்யசபாவில் கண்டன தீர்மானம் நிறைவேற்ற, காங்.,
உள்ளிட்ட எதிர்கட்சிகள் அளித்த, 'நோட்டீஸ்'ஐ துணை
ஜனாதிபதி வெங்கையா நாயுடு நிராகரித்துள்ளார்.

காங்., உள்ளிட்ட எதிர்க்கட்சிகளைச் சேர்ந்த, எம்.பி.,க்கள்,
துணை ஜனாதிபதியும், ராஜ்யசபா தலைவருமான
வெங்கையா நாயுடுவை சமீபத்தில் சந்தித்தனர்.

அப்போது, சுப்ரீம் கோர்ட் தலைமை நீதிபதி
தீபக் மிஸ்ராவுக்கு எதிராக, ராஜ்யசபாவில் கண்டனத்
தீர்மானம் நிறைவேற்றுவது தொடர்பாக, நோட்டீஸ்
அளித்தனர். இதில், 64 எம்.பி.,க்கள் கையெழுத்திட்டு
இருந்தனர்.

நிராகரிப்பு ஏன்:

கண்டன தீர்மானம் தொடர்பாக, சுப்ரீம் கோர்ட் முன்னாள்
நீதிபதி சுதர்சன் ரெட்டி மற்றும் சட்ட நிபுணர்களுடன்,
வெங்கையா நாயுடு ஆலோசனை நடத்தினார். ராஜ்யசபா
விதிமுறைகளின்படி, கண்டன தீர்மானம் கொண்டு
வரப்படும்போது, அதன் உள்ளடக்கத்தை வெளிப்படுத்தக்
கூடாது.

ஆனால் தீபக் மிஸ்ரா மீதான கண்டன தீர்மானத்தில் என்ன
இருக்கிறது என்பதை எதிர்க்கட்சிகள் வெளிப்படுத்தி விட்டன.
இது விதிமீறலாக கருதப்படுகிறது.

இன்று திங்கட் கிழமை தலைமை நீதிபதி வழக்குகளை
விசாரித்துக்கொண்டு இருக்கிறார். இந்நிலையில்,
வழக்குகளை விசாரிக்கலாமா வேண்டாமா என்ற குழப்பமும்
அவருக்கு ஏற்படும்.

இவற்றை சட்ட நிபுணர்கள் சுட்டிக் காட்டிய பிறகு,
தீபக் மிஸ்ராவை பதவி நீக்கம் செய்வதற்கான கண்டன
தீர்மானத்தை நிராகரிப்பதாக வெங்கைய்ய நாயுடு
அறிவித்துள்ளார்.
-
-------------------------------------
தினமலர்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தலைமை நீதிபதிக்கு எதிரான தீர்மானம் நிராகரிப்பு

தலைமை நீதிபதிக்கு எதிரான தீர்மானம் நிராகரிப்பு