தமிழா விழி .....

by **Manian** Fri Mar 23, 2012 1:57 pm

தமிழா விழி
ஏகாந்த மயக்கத்தில்
எப்போதும் இருக்கின்றாய்
ஏமாற்றம் அவமானம்
எல்லாமே தாங்குகிறாய்
இருப்பதை கொடுத்துவிட்டு
ஏதிலியாய் வாழுகின்றாய்
எப்போது விழிப்பாயோ
இன்னல்களை தொலைப்பாயோ

எல்லாப்பக்கங்களும்
எதிரிகள் சூழ்ந்தனரே
இறையாண்மை பேசிபேசி
இனத்தையே கொன்றனரே
என்னதான் செய்துவிட்டாய் நீ

தொலைக்காட்சி தொடர்களிலே
கொலைகாட்சி பார்த்தழுதாய்
குடும்பம் குட்டிகளோடு
குற்றாலம் சென்று வந்தாய்
இனத்தை பெருக்கிக்கொள்ள
போர்வையை போர்த்திக்கொண்டாய்

மதுவிற்கும் பணத்திற்கும்
தெருநாய் போல் மண்டியிட்டாய்
திராவிடம் பேசிப்பேசி
தெருதெருவாய் ஓட்டுக்கேட்டாய்
பிச்சை பாத்திரத்தை
அட்சய பாத்திரமென் ராய்
ஈரைபபேநாக்க இயந்திரம் உண்டென்றாய்
பிரியாணி சாப்பிடத்தான்
பேரணிக்கே செல்கின்றாய்

கவிரித்தன்னீர் உனக்கு
கணவகிப்போனது
முல்லைப்பெரியாறு உன்னை
முறைத்தபடி உள்ளது
அணு அணுவாய் கொல்வதற்கு இங்கு
அணு உலையும் வந்தது
இதையெல்லாம் மறப்பதற்கு
உனக்கு இடைத்தேர்தல் உள்ளது

பழைய பெருமை பேசிபேசி
பாழகிகிடந்தாய்
புதியதாக சரித்திரத்தை
படைத்தது விடமறந்தாய்
கொட்டக்கொட்டக் குனிந்திருந்த
காலமஎல்லாம் போதும்
சற்றே நிமிரு
சரித்திரம் நமது