இருட்டில் அந்த உருவங்கள்

by **செய்தாலி** Tue Apr 24, 2012 1:17 pm

[You must be registered and logged in to see this image.]

அவயங்களை
மூடி இருக்கப்பட்ட ஆடையினூடே
அந்த மூச்சுக் காற்றின்
வெட்கை

ச்சீ ...
உறக்கத்தில் விருட்டென எழுந்தவள்
நடுராத்திரியில் உட்காந்திருந்தாள்
பித்துப் பிடித்தவளாய்

விளக்கற்ற
இருட்டறையில் அவளை பயமுறுத்தியபடி
சுற்றிக்கொண்டு அந்த கருத்த
உருவம்

விடிய
இன்னு நாழிகைளை இருக்க
உறக்கம் தொலைத்த விழிகளுமாய்
அவள்

கலங்கிய
மதிக் குளத்தில்
மெல்ல ததும்பிக் கொண்டிருந்தது
நினைவலைகள்

சில
மாதங்கள் முன் பழக்கமான
பள்ளித் தோழியின் தூரத்து
உறவுக்காரன்

அவனுக்கு
இருபதுக்கு மேல் இருக்கும்
வடிவான தோற்றமும் சிரிப்பு
பேச்சும்

கல்வியில்
நல்ல திறமையுள்ளவன்
கொஞ்சம் அறிவைத்தேடிய அவனுடனான
நட்பு

நீண்ட
நட்பின் நாட்களில் கிடைத்தது
தனக்கில்லாத சகோதர தோழமையின்
அன்பு

எப்போதென
தெரியவில்லை அவனை சலனப்படுத்தியது
பால்யத்திற்கும் கண்ணிக்குமான அவளின்
நடுநிலைப் பருவம்

அவள்
சற்றும் எதிர்பார்க்கவில்லை
அவனிடமிருந்து அந்த அசிரீர
காணவொளியை

உச்சந்தலையில்
ஆழமாய் ஆணி அறைந்த வலி
எதோ பெரும் சுமையை உணரும்
மனம்

தாயிடமும்
தொழியோடும் எப்படிச் சொல்ல
ஒருபக்கம் வெறுப்பும் மறுபக்கம்
பயமும்

படிக்கிற
பொட்டபிள்ளைக்கு எதுக்கு போன்
அன்றே அப்பாவிடம் சண்டையிட்ட
அம்மா

ஒற்றைப்
பிள்ளையென்ற அப்பாவின் செல்லம்
உறவுகளின் பேச்சை மீறி வாங்கிய
கைபேசி

அன்பின்
தன் வெகுளித் தனமும்
நிறம் மாறிய அவனின் பிழையான
எண்ணமும்

சத்தபோட்டு
அழத் தோன்றியது அவளுக்கு
மௌனமாய் விம்ம தாரைதாரையாய்
உதிர்ந்தது கண்ணீர்

நீண்ட
போர்வைக்குள் பயத்தில் சுருண்டு
மீண்டும் உறக்கத்தை தேடி
அவள்

தேளும்
கருநாகங்களும்
பிச்சு சீந்தும் காட்டுமிருகங்கள்
இரக்கமற்று கொத்திச்செல்லும் கழுகுகளும்
மீண்டும் சற்றென பயந்து எழுந்தாள்
உறக்கத்தில்

இன்னும்
விடியவில்லை இருட்டில்
மீண்டும் பயமுறுத்திக் கொண்டிருந்தது
அந்த உருவங்கள்

by **ஹிஷாலீ** Tue Apr 24, 2012 6:51 pm

by **கவியருவி ம. ரமேஷ்** Tue Apr 24, 2012 8:33 pm

உண்மைதான்...

படிக்கிற
பொட்டபிள்ளைக்கு எதுக்கு போன்
அன்றே அப்பாவிடம் சண்டையிட்ட
அம்மா

ஒற்றைப்
பிள்ளையென்ற அப்பாவின் செல்லம்
உறவுகளின் பேச்சை மீறி வாங்கிய
கைபேசி

அன்பின்
தன் வெகுளித் தனமும்
நிறம் மாறிய அவனின் பிழையான
எண்ணமும்

சத்தபோட்டு
அழத் தோன்றியது அவளுக்கு
மௌனமாய் விம்ம தாரைதாரையாய்
உதிர்ந்தது கண்ணீர்

-- இப்படித்தான் ஆகிக் கொண்டிருக்கிறது. செல்போனால் பெண்கள் பெருமளவு பாதிக்கப்படுகிறார்கள். ஆண்கள் பயன்படுத்திக் கொள்கிறார்கள் என்பது உண்மையே....

பட்டால்தான் திருந்துவார்கள் அனைவரும். நாம் சொன்னால் ஏற்றக்கொள்ள மாட்டார்கள்... பட்டு திருந்தட்டும்.