இந்தியாவின் முக்கிய அரசுப் பணிகளுக்கான காலி இடங்களை யூ.பி.எஸ்.சி., எனப்படும் யூனியன் பப்ளிக் சர்வீஸ் கமிஷன் குழுமம் நடத்தி வருகிறது. இந்த அமைப்பின் சார்பாக 2012ஆம் ஆண்டிற்கான இந்திய பாரஸ்ட் சர்வீஸ் தேர்வு நடத்துவதற்கான அறிவிப்பு வெளி வந்துள்ளது.
தேவைகள்: 01.08.2012 அன்று 21 வயது நிரம்பியவராகவும், 30 வயதுக்கு உட்பட்டவராகவும் இருக்க வேண்டும். இந்தத் தேர்வை எழுத விண்ணப்பிப்பவர்கள் அனிமல் ஹஸ்பெண்டரி - வெர்டினரி சயின்ஸ், தாவரவியல், வேதியியல், மண்ணியல், கணிதம், இயற்பியல், புள்ளியியல், விலங்கியல் ஆகிய ஏதாவது ஒரு பிரிவுடன் பட்டப் படிப்போ அல்லது யூ.ஜி.சி., அங்கீகாரம் பெற்ற பட்டப் படிப்பை அக்ரிகல்சர், பாரஸ்ட்ரி அல்லது இன்ஜினியரிங் பிரிவுகள் ஏதாவது ஒன்றிலோ முடித்திருக்க வேண்டும். ஏற்கெனவே இந்தத் தேர்வுகளை எதிர்கொண்டு முடிவுகளைப் பெறாதவர்களும், இந்தத் தகுதியை தற்போது அடையத் தக்கவர்களும் இதர நிபந்தனைகளுக்கு உட்பட்டு இந்தத் தேர்வை எழுத விண்ணப்பிக்க முடியும்.
மற்ற விபரங்கள்: யூ.பி.எஸ்.சி.,யின் வனப்பகுதி சேவைத் தேர்வை எழுத விரும்புபவர்கள் ரூ.100/-ஐ ஏதாவது ஒரு ஸ்டேட் வங்கிக் கிளையில் செலுத்தலாம். அல்லது எஸ்.பி.ஐ., ஸ்டேட் பேங்க் ஆப் பிகானிர் - ஜெய்பூர், ஸ்டேட் பாங்க் ஆப் ஐதராபாத், ஸ்டேட் பாங்க் ஆப் பாட்டியாலா, ஸ்டேட் பாங்க் ஆப் திருவாங்கூர் ஆகிய ஏதாவது ஒரு வங்கியின் நெட் பேங்கிங்க் வசதியை உபயோகித்தோ, அல்லது விசா அல்லது மாஸ்டர் கிரெடிட் அல்லது டெபிட் கார்டை உபயோகித்தோ செலுத்த வேண்டும்.
எஸ்.சி., எஸ்.டி., மாற்றுத் திறனாளிகள், பெண்கள் ஆகியோருக்கு எந்தக் கட்டணமும் கிடையாது. இதன் பின்னர் ஆன்-லைன் முறையில் மட்டும் விண்ணப்பங்களை அனுப்ப வேண்டும். முழுமையான தகவல்களுக்கு பின்வரும் இணையதளத்தைப் பார்க்கவும்.
விண்ணப்பிக்க இறுதி நாள் : 14.05.2012
இணையதள முகவரி: [You must be registered and logged in to see this link.]


நன்றி தினமலர்