1906ல் தனியார் துறையில் பாங்க் ஆப் இந்தியா துவங்கப்பட்டது. பின்னர் 1969ல் இந்த வங்கி தேசியமயமாக்கப்பட்டது. தற்சமயம் இந்தியா எங்கும் கிளைகளை கொண்ட பாங்க் ஆப் இந்தியா வெளி நாடுகளிலும் கிளைகளை கொண்டுள்ளது. நவீனமயமாக்கப்பட்ட கிளைகள், சிறந்த வாடிக்கையாளர் சேவைகள் ஆகியவற்றுக்காக இந்த வங்கி அனைவராலும் அறியப்படுகிறது.
இந்தியாவிலுள்ள தேசியமயமாக்கப்பட்ட வங்கிகளில் வணிக ரீதியாக இந்த வங்கிக்கு முக்கிய இடம் உள்ளது. பாங்க் ஆப் இந்தியாவில் உள்ள கிளரிகல் காலி இடங்களை நிரப்புவதற்கான அறிவிப்பு வெளியாகியுள்ளது.
காலி இடங்கள் பற்றிய விபரம்: பாங்க் ஆப் இந்தியாவின் கிளரிகல் பதவி தமிழ் நாட்டில் 159ம், கர்னாடகாவில் 104ம், கேரளத்தில் 97ம், ஆந்திரப்பிரதேசத்தில் 235ம் உள்ளன. புதுச்சேரியில் 4 காலி இடங்களும், அந்தமான் நிக்கோபார் தீவில் 5 காலி இடங்களும் நிரப்பப்பட உள்ளதாக அறிவிப்பு வெளியாகியுள்ளது.
தேவைகள்: இந்தப் பதவிக்கு விண்ணப்பிக்க விரும்புபவர்கள் 01.08.2011 அடிப்படையில் 18 வயது நிரம்பியவராகவும் 28 வயதுக்கு உட்பட்டவராகவும் இருக்க வேண்டும். பிளஸ்டூவிற்கு நிகரான படிப்பைக் குறைந்த பட்சம் 50 சதவிகித மதிப்பெண்களுடன் முடித்திருக்க வேண்டும். யூ.ஜி.சி., அங்கீகாரம் பெற்ற கல்லூரியின் மூலமாகப் பட்டப் படிப்பை முடித்தவர்களும் இந்தப் பதவிக்கு விண்ணப்பிக்கலாம்.
கம்ப்யூட்டர் அவேர்னஸ் மற்றும் ஆபிஸ் ஆட்டோமேஷனில் குறைந்த பட்சம் 3 மாத காலப் படிப்பை முடித்திருந்தால் முன்னுரிமை உள்ளது. இத்துடன் கடந்த ஆண்டு ஐ.பீ.பி.எஸ்., அமைப்பு நடத்திய கிளரிக்கல் எழுத்துத் தேர்வை வெற்றிகரமாக முடித்து குறைந்த பட்ச மதிப்பெண்களைப் பெற்றிருக்க வேண்டும். முழுமையான தகவலுக்கு இந்த வங்கியின் இணையதளத்தைப் பார்க்கவும்.
இதர விபரங்கள்: பாங்க் ஆப் இந்தியாவின் கிளரிக்கல் பதவிக்கு விண்ணப்பிக்க ரூ.200/-ஐ சலான் மூலமாக ஏதாவது ஒரு பாங்க் ஆப் இந்தியா கிளையில் செலுத்த வேண்டும். எஸ்.சி., எஸ்.டி., உடல் ஊனமுற்றோர், முன்னாள் ராணுவத்தினருக்கு கட்டணம் எதுவும் கிடையாது. விண்ணப்பிப்பவர்களின் தகுதி அடிப்படையில் 1:3 என்ற விகிதத்தில் நேர்காணலுக்கான அழைப்பு அனுப்பப்படும். விண்ணப்பிப்பது குறித்த முழுமையான விபரங்களை அறியக் கட்டாயம் இந்த வங்கியின் இணைய தளத்தைப் பார்க்கவும்.
விண்ணப்பிக்க இறுதி நாள் : 28.04.2012
இணையதள முகவரி : [You must be registered and logged in to see this link.]


நன்றி தினமலர்