சாப்பிடுங்க...............சென்ரியு+ஹைக்கூ----மாமதயானை

by **manisen37** Wed Apr 25, 2012 10:48 pm

கடைக்கடையாய் அலைந்து

வாங்கிவந்தான்…

கடன்.

குழந்தைகளின்

காலடித்தடங்களால்…

அழகாகிப்போகிறது பூமி.

பலூன் விற்கும் சிறுவனிடமிருந்து

பறந்து விடவே இல்லை…

பள்ளிக்கூட ஆசைகள்

தலைவலி மருந்து

விலைக்கேட்ட நொடியில்…

வந்தது உயிர்வலி

ஒற்றை பனித்துளி

எப்படி தருகிறது…

ஓராயிரம் கவிதைகள்

விரும்பியே

கிணற்றில் விழுந்தது…

மழைத்துளி.

அரசு நெல்கிடங்கின்

அருகில் கிடந்தது…

பட்டினி கிடந்து இறந்தவன் பிணம்.

பிச்சைக்காரனின் தட்டை

நிரப்பிவிட்டு சென்றது…

மழை

வீடு இல்லாத தமிழனுக்கு

என்ன நினைவு படுத்திவிடப்போகிறது…

கூடு கட்டும் குருவி

இறக்கிறதா? பிறக்கிறதா?

கண்டறிய இயலவில்லை…

வானத்திலிருந்து விழும் மழை

வாசிக்க வாசிக்க

அற்புதமாய் இசை வருகிறது…

தட்டில் சில்லறை வருமா?

சிலந்தி வலையில்

சிக்கிய பூச்சிகளாய்…

உலகெங்கும் அகதிகள்

வித்தைக்காட்டுபவனுக்கும்

வெறும் கையைகாட்டி…

வித்தைக்காட்டுகின்றோம்

முயல் ஆமை

கதை கேட்க கூட…

முயலாமை

எதிரியாய் நண்பன்

எரிந்தது பார்வைகளில்…

பழகிய நட்பின் பாசம்

குடிகாரனின் கவலை

சரக்குவிலை ஏறிய பிறகும்…

ஏறவில்லை மப்பு