யாரும் யா......அழுவதில்லை

by **செய்தாலி** Thu Apr 26, 2012 4:23 pm

[You must be registered and logged in to see this image.]

அவர்கள்
இல்லை.. இல்லை... இவர்கள்
யார் யார் அழுவார்கள் நம்
மரணத்தில்

அன்று
நமக்காய் அழுபவர்களின்
அடையாளங்களை தேடுகிறது
பாழ்மனது

இன்றைய
அவர்களுடனான நேசம்
நாளை நமக்காக அழுவதற்கான
சுயநலமோ

நம்
துக்க மனதை ரணப்படுத்தும்
பிறரின் நமக்கான அழுகையின்
வேஷங்கள்

தன்
இருப்பை உணர்த்துவதர்க்காக
படைப்பின் அடையாளங்களில்
இறைவன்

தாய்
தந்தையென எத்தனையோ
பாச நேச சுயநல அடையாளங்களில்
உறவுகள்

உருவமற்ற
உணர்வுக்கும் உணர்ச்சிக்கும்
பெயர் சமைத்து மரணம்வரையிலான
அற்ப வாழ்க்கை

உணர்ந்தால்
உணரலாம் அதனுள் இழையும்
இறை, மனித உறவுகளின் அப்பட்டமான
சுயநலங்கள்

உறவும்
உயிரிருந்தும் நல் வெட்டத்தில்
இருள்சூழ்ந்து வாழ்க்கை சூனியமாகும் தருணம்
நாம் அழுவதுண்டு

அந்த
தனித்த நம் அழும் தருணத்தில்
நாம் நமக்காக அழுகிறோம் யாரும் நமக்காக
அழுவதில்லை

நாம்
நமக்காக மட்டுமே அழுகிறோம்
பிறர்க்காக நாம் அழுவதாய்
பாவிக்கிறோம்

யாரும் யாருக்காகவும்
அழுவதில்லை

உண்மை வரிகள் மிகவும் உணர்வு பூர்வமா எழுதியிருக்கீங்க ரொம்ப நல்லா இருக்கு

by **thaliranna** Thu Apr 26, 2012 4:44 pm

[You must be registered and logged in to see this image.]

by **pakee** Thu Apr 26, 2012 5:22 pm

உண்மையான வரிகள் மிக்க மகிழ்ச்சி

by chinnakkutty Thu Apr 26, 2012 11:10 pm

பழைய பாடல் ஒன்று நினைவிற்கு வருகிறது.

"வந்த ஒரு காலை
வாராது நாளை
இயற்கையின் அமைப்பு
இறைவனின் படைப்பு.."

இதில் யாரும் யாருக்காகவும் அழுது என்ன பயன்? சிந்திக்க வைத்த வரிகள். பாராட்டுக்கள்.