வாழ்கையில் வாழத மனிதன்

by **செய்தாலி** Mon Apr 30, 2012 2:41 pm

[You must be registered and logged in to see this image.]
நீ
உனக்காக வாழ்ந்த தருணங்களை
யாரிடமாவது சொல் எனக்கேட்டால்
விழிபிதுங்குவான் அவன்

இல்லை இல்லை
நான் எனக்காக வாழ்ந்துஇருக்கிறேன்
வெடுக்கென்று அப்படிச் சொல்பவன்
பொய் சொல்கிறான்

நாளை
இறக்கும் தருவாயில் இருக்கும்
மனிதர்களின் அகத்திலும் இருக்கும் தனக்காய்
வாழாத தருணங்கள்

இங்கு
பிறப்புடுத்தி வாழும் ஜீவராசிகள்
தமக்கான ஜீவனில் பிறர்க்காக நகர்த்துகிறார்கள்
சுயவாழ்கையை

உடை
நடை ,உருவம் ,பேச்சு
இப்படி சுய பழக்கங்களில் பிறர்க்காக சாயம் பூசும்
மனிதர்கள்

அன்பு
நேசம் ,பாசம் ,புன்னகை
விருப்பு, வெறுப்பு காழ்ப்பு,கோபம்
உருவமற்ற உணர்வு உணர்ச்சிகளையும்
யார் யாருக்காகவோ இங்கே விதைக்கிறார்கள்
மனிதர்கள்

தாய்தந்தைக்காக
மனைவிபிள்ளைக்காக
நட்புக்காக, உறவுகளுக்காக யார் யாருக்காவோ
வாழ்கிறார்கள் தமக்காய் வாழ்வதாய் பாவிக்கிறார்கள்
மனிதர்கள்

பிறப்பு ,இறப்பு
மதம் ,இனம் ,மொழி
முன்னோர், பின்னோர் ,இன்னோர், இப்படி
யார் யாருக்காகவோ அடையாள ஆடைகளுக்குள்
தன்னை ஒளித்துக்கொண்டு வாழ்கிறார்கள்
மனிதர்கள்

அவர்களுக்காக
இவர்களுக்காக யார் யாருக்காகவெல்லாம்
வாழும் மனிதர்கள் வாழ்வதில்லை
தனக்காக

பிறர்களுக்கான
வாழும் வாழ்க்கையில்தான்
உனக்கான வாழ்க்கை முழுமை அடைகிறது
இறைச் சொல்

இந்த
இறைச் சொல்லை மெய்ப்படுத்துகிறது
தனக்கான வாழ்கையில் பிறர்க்காக
வாழ்ந்து மடிந்த மனிதர்களின்
வடுக்கள்

பிறப்பிற்கும்
இறப்பிற்கும்மாக தன் வாழ்கையில்
தனக்காய் வாழ்வதில்லை
மனிதன்

சிறப்பான வரிகள் பாராட்டுக்கள் தோழரே

by **கவியருவி ம. ரமேஷ்** Mon Apr 30, 2012 7:10 pm

தாய்தந்தைக்காக
மனைவிபிள்ளைக்காக
நட்புக்காக, உறவுகளுக்காக யார் யாருக்காவோ
வாழ்கிறார்கள் தமக்காய் வாழ்வதாய் பாவிக்கிறார்கள்
மனிதர்கள்
- சிறப்பு நண்பரே... நமக்கான வாழ்க்கை அவ்வாறு விதிக்கப்பட்டிருக்கும்போல... மிக்க மகிழ்ச்சி