இந்தியப் பொருளாதாரத்தின் முதுகெலும்பாகக் திகழும் விவசாயத் துறைக்கென பிரத்யேகமான காப்பீட்டு நிறுவனம் எதுவும் முன்னர் இல்லை. இந்தியாவின் பொது இன்சூரன்ஸ் நிறுவனங்களே விவசாயத்திற்கான காப்பீட்டை செய்து வந்தன. இதனால் விவசாயத்திற்கான பிரத்யேக காப்பீட்டு நிறுவனத்தின் தேவை உணரப்பட்டது. இதன் விளைவாக அக்ரிகல்சர் இன்சூரன்ஸ் கம்பெனி ஆப் இந்தியா லிமிடெட் (A.I.C.,) எனப்படும் இந்திய விவசாயக் காப்பீட்டு நிறுவனம் 2003-04 பட்ஜெட்டிற்குப் பின்னர் நிறுவப்பட்டது. இந்த நிறுவனத்தில் 9 பிரிவுகளில் உள்ள 46 நிர்வாக அதிகாரி காலி இடங்களை நிரப்புவதற்கான அறிவிப்பு வந்துள்ளது.
பிரிவுகள் என்னென்ன: ஏ.ஐ.சி., நிறுவனத்தில் ஆக்சுவரியல், அக்ரிகல்சர், மார்க்கெட்டிங், ஐ.டி., புள்ளியியல், கணக்கியல், எச்.ஆர்., இன்சூரன்ஸ் அண்டு ரிஸ்க், ஜெனரலிஸ்ட் என்ற 9 பிரிவுகளில் காலி இடங்கள் உள்ளன.
தேவைகள்: இந்திய விவசாயக் காப்பீட்டு நிறுவனத்தின் நிர்வாக அதிகாரி பதவிக்கு விண்ணப்பிப்பவர்கள் 01.04.2012 அன்று 21 வயது நிரம்பியவராக இருக்க வேண்டும். விண்ணப்பிக்கும் பிரிவுக்கு ஏற்றபடி கல்வித் தகுதி நிர்ணயிக்கப்பட்டு உள்ளது.
கணிதம், புள்ளியியல், ஆக்சுவரியல் சயின்ஸ் ஆகிய பிரிவுகளில் பட்டப்படிப்பைக் குறைந்த பட்சம் 60 சதவிகித மதிப்பெண்களுடன் முடித்தவர்களும், முது நிலைப் பட்டப் படிப்பைக் குறைந்த பட்சம் 55 சதவிகித மதிப்பெண்களுடன் முடித்தவர்களும் ஆக்சுவரியல் பதவிக்கு விண்ணப்பிக்க முடியும் என்ற போதும் இவர்கள் ஆக்சுவரியல் சொசைட்டி ஆப் இந்தியா நடத்தும் தேர்வுகளை எதிர்கொண்டு குறைந்த பட்சம் 3 தாள்களையாவது வெற்றி பெற்றிருக்க வேண்டும்.
அக்ரிகல்சர் பிரிவுக்கு விண்ணப்பிப்பவர்கள் இத்துறையில் பி.இ., பி.டெக்., அல்லது பி.எஸ்.சி., பட்டம் பெற்றிருக்க வேண்டும். எச்.ஆர்., மற்றும் மார்க்கெட்டிங் பிரிவுக்கு விண்ணப்பிக்க தொடர்புடைய பிரிவில் எம்.பி.ஏ., முடித்திருக்க வேண்டும்.
ஐ.டி., பிரிவுக்கு எம்.சி.ஏ., எம்.சி.எம்., பி.இ., அல்லது பி.டெக்.,கை கம்ப்யூட்டர் சயின்ஸ் பிரிவில் முடித்திருக்க வேண்டும். ஏ.சி.எஸ்., ஏ.சி.டபிள்யூ.ஏ., ஏ.சி.ஏ., பி.காம், எம்.காம்., முடித்தவர்கள் கணக்கியல் பிரிவுக்கு விண்ணப்பிக்கலாம். புள்ளியியல் பிரிவுக்கு இப்பிரிவில் இளநிலை அல்லது முதுநிலைப் பட்டம் பெற்றிருக்க வேண்டும். ஜெனரலிஸ்ட் பிரிவுக்கு ஏதாவது ஒரு பிரிவில் குறைந்த பட்சம் 60 சதவீத மதிப்பெண்களுடன் பட்டப் படிப்பை முடித்தவர்கள் விண்ணப்பிக்கலாம்.
இதர தகவல்கள்: அக்ரிகல்சர் இன்ஸ்யூரன்ஸ் கம்பெனி ஆப் இந்தியா நிறுவனத்தின் நிர்வாக அதிகாரி பதவிக்கு விண்ணப்பிக்க ரூ.400/-ஐ சலான் மூலமாக ஆக்சிஸ் வங்கிக் கிளையொன்றில் செலுத்த வேண்டும். எஸ்.சி., எஸ்.டி., பிரிவினர் ரூ.100/- மட்டும் செலுத்தினால் போதுமானது. இந்தக் காலி இடங்கள் எழுத்துத் தேர்வு மற்றும் நேர்காணல் மூலமாக நிரப்பப்படும் என்று அறிவிக்கப்பட்டுள்ளது.
எழுத்துத் தேர்வை தமிழ்நாட்டில் சென்னையிலும், நமக்கு அருகிலுள்ள மாநில மையங்களான திருவனந்தபுரம், பெங்களூருவில் எழுதலாம். விண்ணப்பங்களை ஆன்-லைன் முறையிலேயே செலுத்த வேண்டும். முழுமையான தகவல்களை அறிய பின்வரும் இணையதளத்தைக் கட்டாயம் பார்க்கவும்.
ஆன்-லைனில் பதிவு செய்ய இறுதி நாள் : 23.05.2012
எழுத்துத் தேர்வு நடைபெறும் நாள் : 24.06.2012
இணையதள முகவரி: [You must be registered and logged in to see this link.]

நன்றி தினமலர்