2003 ஆம் ஆண்டு

"ஈமெயில் ஐடி உருவாக்குவது எப்படி என்று சொல்லித்தரப் போறேன்.. கவனமா கேட்டுக்க!!!"
இத நான் சொல்லலீங்க.. எங்க பக்கத்து வீட்டு அக்கா சொன்னாங்க..
அவங்க அப்பவே MBA முடிச்சு ஒரு பேங்க்ல வேலை செய்துகிட்டு இருந்தாங்க!

பன்னிரெண்டாம் வகுப்பு முடித்த பின்னால், அண்ணா பல்கலைக் கழகத்தில்
மருத்துவம் அல்லது பொறியியல் படிப்பில் சேர்த்து விடும் முயற்சியில்
தீவிரமாக இருந்தார் என் அப்பா.

அப்போது தான் முதல் முறையாக அண்ணா பல்கலைக்கழகத்தில் இணைய விண்ணப்பங்கள்
(Online Application) வந்த நேரம். அதில் விண்ணப்பிக்க கட்டாயம் மின்னஞ்சல்
முகவரி வேண்டும். அப்படித் தான் எனக்கு மின்னஞ்சல் முகவரிக்கான தேவை
ஏற்பட்டது.

அப்போது தான் நான் அக்காவின் உதவியை நாடினேன். அவர் பொறுமையாக மின்னஞ்சல்
முகவரியை உருவாக்கும் முறையினைச் செயல் வடிவத்தில் காட்டினார். அந்த
செயலாக்கத்திலேயே எனது முதல் மின்னஞ்சல் முகவரியும் உருவானது. (அப்போது
யாஹூ தான் பிரபலம் எனவே, அதில் தான் உருவானது)

"தம்பி.. ஈமெயில் ஐடி கிரியேட் பண்றது முக்கியமில்ல. பாஸ்வேர்ட மறக்காம
வெச்சுக்கணும்" என்றார். நானும் சரி என்பது போல் தலையாட்டினேன்.

அதன் பிறகு, நான் இணையத்தில் விண்ணப்பிக்காமல் நேரடியாக விண்ணப்பித்தது வேறு விசயம்!
*********

சில மாதங்கள் கழித்து..

கல்லூரியில் சேர்ந்தாயிற்று. மாணவர்கள் சிலர் ஒன்று சேர்ந்து பிரவுசிங் சென்டர் போனோம்.


"யோவ் ஆளுங்க.. நீ மெயில் எல்லாம் செக் பண்ண மாட்டியா?"
"இதுவரைக்கும் பண்ணதில்ல"

"அடிக்கடி செக் பண்ணிப் பார்க்கணும் மச்சான்!! சரி, உன் மெயில் ஐடி, பாஸ்வேர்ட் சொல்லு"
"பாஸ்வேர்ட் யாருக்கும் சொல்ல மாட்டேன்.. வேண்டும்னா நானே அடிக்கிறேன்"

"சரி..போ!! உன் மெயில் ஐடி சொல்லு"

"அப்படின்னா??"

எனது வலைப்பூவில் இருந்து மறுபதிப்பு செய்யப்பட்டது!

அருமையான பதிப்புக்கு நன்றிகள்ப்பா

ஹ ஹ ஹா ...உண்மை தானுங்க ஆளுங்க ...

பகிர்வுக்கு நன்றி

படித்து கருத்திட்ட நண்பர்களுக்கு நன்றி!