திறன் வளர்த்தல் பயிற்சியாளர்களுக்கான மாவட்ட அளவிலான முதன்மை பயிற்சியாளர்கள் தேர்வு செய்யப்பட உள்ளனர். தகுதியுள்ளவர்களிடம் இருந்து இதற்கான விண்ணப்பங்கள் வரவேற்கப்படுகின்றன.

இதுகுறித்து மகளிர் திட்ட அலுவலர் விடுத்துள்ள செய்திக்குறிப்பில், மாநிலத்திலிருந்து வறுமையை முழுமையாக ஒழிப்பதற்காக தமிழ்நாடு மகளிர் நல மேம்பாட்டு நிறுவனத்தின் மூலம் 2012-2013-ம் ஆண்டு தேசிய ஊரக வாழ்வாதார திட்டம் செயலாக்கம் செய்யப்பட உள்ளது. திறன் வளர்த்தல் பயிற்சியாளர்களுக்கான மாவட்ட அளவிலான முதன்மை பயிற்சியாளர்கள் தேர்வு செய்யப்பட உள்ளனர்.

தகுதியுடையவர்கள்:

மகளிர் திட்டம் தொடர்பான விவரங்கள் முன் அனுபவம், களப் பயிற்சி தெரிந்திருக்க வேண்டும்.

தொண்டு நிறுவனத்தில் பணிபுரிந்த பயிற்சி அனுபவம் உள்ள பயிற்றுநர்கள்.
உதவி இயக்குநர், வட்டார வளர்ச்சி அலுவலர்களாகப் பணியாற்றி ஓய்வுபெற்ற அலுவலர்கள்.

மகளிர் திட்ட அலுவலக முன்னாள் பயிற்சியாளர்களாக பணிபுரிந்தவர்கள், முன்னாள் மாவட்ட அளவிலான முதன்மை பயிற்றுநர்கள், புதுவாழ்வு திட்டம் பணியாளர்கள் ஆகியோர்.

கல்வித் தகுதி:

முதுநிலை, இளநிலை பட்டதாரிகள், பியூசி, பிளஸ் 2 ஆகியோர்களுக்கு கல்வி தகுதி அடிப்படையில் மதிப்பெண் வழங்கப்படும்.

பயிற்சிகளில் முன் அனுபவம், எழுத்துத் தேர்வு, நுண் போதனை.

பயிற்சியாளர்களாகத் தேர்வு செய்யப்படுகிறவர்களுக்கு அரசு நிர்ணயம் செய்துள்ள தகுதிக்கு மதிப்பூதியம் வழங்கப்படும். உரிய பயிற்சி வழங்கப்படும். விண்ணப்பிக்க தகுதியுடைவர்கள் எண். 21, ராமதாஸ் நாயுடு தெரு, புதுப்பாளையம், கடலூர் என்ற விலாசத்தில் இயங்கும் மகளிர் திட்ட அலுவலகத்தில் விண்ணப்பங்களை உடன் பெற்றுக்கொள்ள மகளிர் திட்ட அலுவலர் கேட்டுக்கொண்டுள்ளார்.
------------------------------
MYPNO.COM | பரங்கிப்பேட்டை சமூக வலைத் தளம்
ஊரின் முன்னோடி! உறவுகளின் உயிர்நாடி!!

பயனுள்ள நல்ல தகவல் பகிர்வுக்கு நன்றி

நன்றி