தமிழில் அதிக மதிப்பெண் பெற்றவர்களுக்குப் பரிசு

by **கலீல் பாகவீ** Mon Jun 04, 2012 1:48 am

நடந்து முடிந்த பிளஸ் 2 அரசு பொதுத் தேர்வில் தமிழ் பாடத்தில் 90 சதவீதத்துக்கு மேல் மதிப்பெண் பெற்ற மாணவர்களை கடலூர் மாவட்ட பாரதிதாசன் இலக்கிய மன்றம் சார்பில் பரிசு வழங்கி பாராட்ட உள்ளதாக மாவட்டத் தலைவர் கடல் நாகராசன் தெரிவித்துள்ளார்.

அவர் வெளியிட்டுள்ள செய்திக் குறிப்பில், பிளஸ் 2 பொதுத் தேர்வில் தமிழ் பாடத்தில் 90 சதவீதம் மதிப்பெண் பெற்ற மாணவ, மாணவிகளுக்கு, கடலூர் மாவட்டம் பாரதிதாசன் இலக்கிய மன்றம் சார்பில் பரிசு வழங்கி பாராட்ட முடிவு செய்யப்பட்டுள்ளது.

எனவே தமிழ் பாடத்தில் 180 மதிப்பெண்களுக்கு மேல் பெற்ற மாணவர்கள் தாங்கள் பெற்ற மதிப்பெண் விவரம், தந்தை பெயர், வீட்டு முகவரி, படித்த பள்ளி மற்றும் தொடர்பு எண் ஆகியவற்றை கீழ்கண்ட முகவரிக்கு பாரதிதாசன் இலக்கிய மன்றம், எண்.41, காமராஜர் நகர், ஆல்பேட்டை, கடலூர்-607001. (கைபேசி:9865354678) 5.6.2012-க்குள் எழுதி அனுப்ப வேண்டும்.

பரிசுப் பெறுபவர்களுக்கு மன்றத்தின் சார்பில் தனித்தனியாக அறிவிப்புக் கடிதங்கள் அனுப்பப்படும். மன்றம் நடத்தும் இலக்கிய விழாவில் இந்த பரிசு வழங்கி பாராட்டப்படும் என கடல் நாகராசன் தெரிவித்துள்ளார்.
------------------------
MYPNO.COM | பரங்கிப்பேட்டை சமூக வலைத் தளம்
ஊரின் முன்னோடி! உறவுகளின் உயிர்நாடி!!

by **manjubashini** Mon Jun 04, 2012 3:06 am

ரொம்ப நல்ல விஷயம்.... தமிழ் எங்கும் தழைத்திட தமிழ் வளர்க்க இது போன்ற நல்ல செயல்கள் பிள்ளைகளுக்கு படிக்கவேண்டும் என்ற ஆர்வத்தை தூண்டவும் சாதித்து வெற்றிப்பெற ஒரு நல்ல வாய்ப்பாக அமையும் இந்த செயலுக்கு அன்பு நன்றிகளையும் வாழ்த்துகளையும் நானும் தெரிவித்துக்கொள்கிறேன்.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தமிழில் அதிக மதிப்பெண் பெற்றவர்களுக்குப் பரிசு

தமிழில் அதிக மதிப்பெண் பெற்றவர்களுக்குப் பரிசு

Re: தமிழில் அதிக மதிப்பெண் பெற்றவர்களுக்குப் பரிசு