முரண் அலைகள்

by **கவியருவி ம. ரமேஷ்** Mon Jun 04, 2012 7:16 pm

காதலர்கள்
புதிதாகக் கட்டிய
மணல்வீட்டை
மெழுக நினைத்து வந்த
ஆர்வத்திலோ அலட்சியத்திலோ
சிதைத்துவிட்டுப் போய்விடுகிறது
கடல் அலை.

குழந்தை
கடலில் தவழும்
மீன்பிடிப் படகைப் பார்த்து ரசிக்கிறான்.
நாமோ தழுவுவதையும் நழுவுவதையும்
ரசித்துவிட்டுத் திரும்புகிறோம்
குற்ற உணர்வோடு.

தேடி வந்து விற்றாலும்
குழந்தை அடம்பிடித்துக் கேட்டாலும்
டீ, காபி, சுண்டலை வெறுத்து
நாகரிகம் என்ற பெயரில்
உணவு விடுதிகளைத்தேடித்திரிந்து
செல்கிறோம்.