ஐயா வணக்கம் !!!

தமிழ் பத்திரிக்கை உலகிற்கு...

இந்த கடிதத்தை நாங்கள் ஐக்கிய அரபு நாடுகளில் ஒன்றான ஷார்ஜாவில் இருந்து எழுதுகிறேன் . 5-11-10 வெள்ளிகிழமை ஷார்ஜா கிரிக்கெட் மைதானத்தில் வைத்து மலையாள திரைப்பட விருது வழங்கும் விழா நடைபெற்றது . தமிழ் நடிகர்கள் வருகிறார்கள் என்ற விளம்பரத்தை பார்த்து நாங்கள் சில தமிழ் நண்பர்கள் சேர்ந்து இந்த விழாவை பார்க்க சென்றோம் . அதில் கலந்துகொண்டு பேசிய நடிகர் (?) ஆர்யா மேடைக்கு வந்து பேசியது ...

நான் ஒரு மலையாளியானு என்று ஆரம்பித்து தமிழர்களையும் தமிழ் சினிமாவையும் ரெம்பவும் கேவலமாக பேசிவிட்டார் .. தமிழ் சினிமாவை போன்று மலையாள சினிமா இல்லை தமிழ் சினிமாவில் ஒரு பாட்டு ஒரு சண்டை காட்சி இருந்தால் போதும் நடிப்பு தேவை இல்லை, அனால் மலையாள சினிமாவில் அதிகம் அபிநயம் வேண்டும் (நடிக்கவேண்டும்) அதனால்தான் யாரும் மலையாள படத்தில் நடிக்க பயப்படுகிறார்கள். எனக்கு நடிப்பு இல்லாத சிறிய கதாபாத்திரம் கொடுங்கள் மலையாளத்தில் வந்து நடிக்கிறேன். இங்கு இருக்கும் கூட்டத்தை பார்த்தால் ரெம்ப ஆச்சரியம் தமிழ்நாட்டில் இப்படி கூட்டம் பார்க்க முடியாது என்று தனது மலையாள விசுவாசத்தை ரெம்பவே காட்டிவிட்டார் .
அதை கேட்டு எங்கள் ரத்தம் கொதித்தது . 10,000 மலையாளிகள் இருந்த இடத்தில 10 தமிழர்களாகிய எங்களால் ஒன்றும் செய்யமுடியவில்லை . அந்த விழாவில் கலந்து கொண்ட தலை வாசல் விஜய் மற்றும் பாடகர் கார்த்திக் இருவரும் தமிழில் பேசியது ஆறுதல் . அதனால் எங்கள் எண்ண குமுறல்களை தமிழ் பத்திரிகைக்கு அனுப்பி எங்கள் மனதை ஆறுதல் படுத்துகிறோம் . இந்த செய்தியை தங்களின் பத்திரிக்கையில் வெளியிட்டு இந்த ஆர்யாவை தமிழ் சினிமாவில் இருந்து ஓரம் கட்டவேண்டும் செய்வீர்களா ?

நடிகர் (?) ஆர்யாவுக்கு சில கேள்விகள் :

நடிக்க தெரிந்தவர்களை மட்டுமே நடிகன், நடிகை என்று சொல்கிறோம் . நடிப்பே இல்லாத தமிழ் சினிமாவில் வந்து போகும் உங்களை நடிகன் என்று சொல்வது தவறில்லையா ?
நீங்களும் ஒரு நடிகன் என்றால் உங்கள் திறமையை காட்ட வேண்டிய இடம் மலையாள சினிமா அல்லாவா?
சங்க காலம் தொட்டு தமிழனின் நடிப்புக்கும் திறமைக்கும் சான்றுகள் பல உள்ளன. வந்தாரை வாழ வைக்கும் செந்தமிழன் நாடு எங்கள் தமிழ் நாடு . உனக்கு முகவரி தந்த நாடல்லவா ? உனது மக்களை சந்தோஷபடுத்த உங்களுக்கு சோறு போடும் தமிழ்மக்களை தரம் தாழ்த்தி பேசலாமா ?
தமிழ் சினிமாவில் நடிப்பு இல்லை என்று சொல்லி இமயமலையை சோற்றில் மறைக்க நினைக்கலாமா ?
தான் நடித்த முதல் படதிலேயே நடிகர் திலகம் என்ற பட்டதை சிவாஜி கணேசன் அவர்களுக்கு வழங்கியது எங்கள் தமிழ் சினிமா அல்லவா ?
திறமையான நடிப்பால் பத்மா ஸ்ரீ விருது பெற்ற மகா நடிகன் கமல் ஹாசன் இருக்கும் இடமல்லவா தமிழ் சினிமா துறை ?
நீங்கள் சொல்வது எது உண்மை தமிழ் சினிமாவில் நடிப்பு இல்லையா அல்லது பணம் நிறைய கிடைக்கிறதா எது உண்மை ?
மலையாள சினிமாவில் நடித்திருந்தால் உங்களுக்கு வெறும் சாப்பாடு மட்டும்தான் கிடைக்கும் அனால் தமிழில் நிறைய நடிக்க வேண்டும் நிறைய நேரம் உழைக்கவேண்டும் கூடவே கோடிகளில் அல்லவா சம்பளம்.
உங்களை போல் இறங்கிவந்து எங்களுக்கு பேச தெரியாது காரணம் வந்தாரை வாழ வைத்தே பழகிப்போன இனம் தமிழ் இனம்.


--
''தமிழன் இல்லாத நாடில்லை -

தமிழனுக்கென்று ஓர் நாடில்லை''


"தமிழரிடம் தமிழில் உரையாடுவோம் "

"வாழ்க தமிழ் வளர்க்க தமிழ்வாழ் மக்கள்"

தகவலுக்கு மிக்க நன்றி நண்பரே

'தமிழன் இல்லாத நாடில்லை -

தமிழனுக்கென்று ஓர் நாடில்லை''


"தமிழரிடம் தமிழில் உரையாடுவோம் "

"வாழ்க தமிழ் வளர்க்க தமிழ்வாழ் மக்கள்"