ஆந்திர முதல்வராக கிரண்குமார் ரெட்டி பதவியேற்பு!

by veera Thu Nov 25, 2010 2:06 pm

ஆந்திர முதல்வராக கிரண்குமார் ரெட்டி இன்று பதவியேற்றார்.

ஆந்திர முதல்வராக இருந்த ஒய்.எஸ்.ராஜகேசகர ரெட்டி ஹெலிகாப்டர் விபத்தில் மரணம் அடைந்தையடுத்து, அம்மாநில முதல்வராக ரோசய்யா பதவியேற்றார். இந்நிலையில் கட்சி மேலிடம் கேட்டுக்கொண்டதாலும், உடல்நிலையை காரணம் காட்டியும் ரோசய்யா நேற்று தனது முதல்வர் பதவியை ராஜினாமா செய்தார்.

இதையடுத்து காங்கிரஸ் மேலிடம் அவசரமாக கூடியது. இதில் ஆந்திர சட்டசபை சபாநாயகராக இருந்த கிரண்குமார் ரெட்டியை முதல்வராக்க முடிவு செய்யப்பட்டது. பின்னர் காங்கிரஸ் தலைவர் உத்தரவுபடி இன்று கிரண்குமார் ரெட்டி முதல்வர் பதவியை ஏற்றார்.

ஆந்திர மாநில கவர்னர் நரசிம்மனை ஹைத்ரபாத்தில் சந்தித்த, கிரண்குமார் ரெட்டி முதல்வராக பொறுப்பேற்பதாக தெரிவித்தார். இதையடுத்து ஆளுநர் நரசிம்மன் பதவி பிரமாணம் செய்து வைத்தார். அமைச்சரவை மாற்றம் குறித்து இன்று டெல்லியில் காங்கிரஸ் மேலிட தலைவர்களை கிரண்குமார் ரெட்டி சந்தித்துப் பேசுகிறார்.

50 வயதாகும் கிரண்குமார் ரெட்டி ஆந்திராவின் 16வது முதல்வராவார். கிரண்குமார் ரெட்டி, மறைந்த ராஜசேகர ரெட்டியின் நம்பிக்கையை பெற்றவர். 4 முறை எம்.எல்.ஏ.,வாக இருந்தவர். மேலும் மறைந்த காங்கிரஸ் தலைவர் அமர்நாத் ரெட்டியின் மகனாவார்.

மறைந்த ஒய்.எஸ்.ராஜகேசகர ரெட்டி மகன் ஜெகன்மோகன் ரெட்டி ஆதரவையும் பெற்று, மாநிலத்தில் உள்ள அனைத்து பிரச்சனைகளையும் தீர்த்து சிறப்பான ஆட்சி நடைபெறும் என, கிரண்குமார் ரெட்டி கூறியுள்ளார்.

உடனடி தகவலுக்கு மிக்க நன்றி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

ஆந்திர முதல்வராக கிரண்குமார் ரெட்டி பதவியேற்பு!

ஆந்திர முதல்வராக கிரண்குமார் ரெட்டி பதவியேற்பு!

Re: ஆந்திர முதல்வராக கிரண்குமார் ரெட்டி பதவியேற்பு!