தா.ஜெயகாந்தன்

by ரௌத்திரன் Sun Jul 15, 2012 5:35 am

அந்தியில் வானம் அனுதினம் காண்பார்
===சுந்தர நிலவெனச் சொல்வார்!
விந்தையென் றேதம் விழிகளை விரிப்பார்

===தம்குடில் விளக்கினை எண்ணார்!
கந்தலைப் போற்றும் கலதிகள் கூட்டம்
===களங்கமில் பட்டினைத் தீண்டார்!
மந்திகள் வாழும் மண்ணிது வன்றோ
===மயிலினை மதிப்பவர் ஏது?

சில்லரைச் சப்தம் வீறிடும் உலகில்
====சத்தியம் பேசுதல் பாவம்
கல்லறை தன்னில் நல்மறை நூலை
====ஓதுதல் போலொரு சாபம்
வல்லரைப் போற்றி வாழுமோர் புவியில்
=====வறிஞரைப் பேசிய கோலம்
புல்லுரை பனியின் பவித்திரம் அறியா

=====புல்லினும் தாழ்ந்தவர் ஞாலம்!

பாத்திரம் படைக்கும் பாங்கினை அறியா
=====பேதையர் புகழினைப் பெற்றார்!
நேத்திரம் கெட்டோர் நலம்பெற வந்தோர்
=====நாயினும் கீழ்மையே உற்றார்!
ஆத்திரம் பொங்க அழுகிறேன்; இந்த
=====அறிவிலா தமிழகந் தன்னில்,
மாத்திறம் கொண்ட மாசிலார் பிறப்பைத்
=====தவிர்த்திடு என்தமிழ்த் தாயே!

---------------ரௌத்திரன்

by **கவியருவி ம. ரமேஷ்** Sun Jul 15, 2012 10:18 am

ஆத்திரம் பொங்க அழுகிறேன்; இந்த
=====அறிவிலா தமிழகந் தன்னில்,
மாத்திறம் கொண்ட மாசிலார் பிறப்பைத்
=====தவிர்த்திடு என்தமிழ்த் தாயே!

- நடந்தால் நன்றாகவே இருக்கும்... நடக்கட்டும். மிக்க மகிழ்ச்சி