பதில்கள் - பேராசிரியர் கு. ஞானசம்பந்தன்

by **அ.இராமநாதன்** Fri Jul 20, 2012 9:22 am

இரா. சக்கரபாணி, கோ. புதூர், மதுரை:

தொடங்கும் சொல்லே முடியும் சொல்லாக அமைந்த
குறட்பாக்கள் உள்ளனவா? அவை யாவை?

திருக்குறள் 1330 குறட்பாக்களை உடையதுதான் என்றாலும்
அணுவைப் பிளந்து, ஏழு கடல்களை அதில் புகுத்திய
பெருமை வள்ளுவருக்கு உண்டு.

உதடுகள் ஒட்டாத திருக்குறள் (யாதனின் யாதனின்...)
துணைக்கால்கள் இல்லாத திருக்குறள் (கற்க கசடறக்...)
வைக்கப்படும் என முடியும் திருக்குறள் (வையத்துள் வாழ்வாங்கு..
இவை போன்று சில)

எனச் சொல்லிக் கொண்டே போகலாம். இப்போது உங்கள்
கேள்விக்கு வருவோம். தொடங்கிய சொல்லிலேயே முடியும்
குறட்பாக்கள்.

“பொருளல் லவரைப் பொருளாகச் செய்யும்
பொருளல் லதில்லைப் பொருள்’ (200)

“சொல்லுக சொல்லிற் பயனுடைய சொல்லற்க
சொல்லிற் பயனிலாச் சொல்’ (739)

“நாடென்ப நாடா வளத்தன நாடல்ல
நாட வளந்தரு நாடு’ (751)

இன்னும் ஆராயப்படாத ஆழ்கடலுக்குரிய ஆச்சரியங்கள்
பல உண்டு திருக்குறளில்.
-
==============================================
நன்றி: மஞ்சரி