தமிழே . . .

by **kavithaigal** Sat Jul 28, 2012 3:56 pm

தமிழே . . .
[You must be registered and logged in to see this image.]
தாயெனும் அன்புள்ளம் பாசத்தோடு
எடுத்துரைத்த உயிர் மொழியே . . .
காலம் கடந்து உயர்ந்து நிற்கும்
செம்மொழியே ! தமிழ் மொழியே !
முத்தமிழே அதை சொல்லும் முகத்தமிழே . . .
என்னிசை கலைத் தமிழே . . .
நிஜ உலகில் நிகழ்வுகளை
இன்னிசையாய் உணர்த்தும்
இயல் இசை நாடகத் தமிழே . . .
வானுயர்ந்த வள்ளுவனின் வாய்த்தமிழே . . .
புராணங்களில் உயர் இராமாயணத்தை
உலகம் உணரச் செய்த
கம்பன் கைத்தமிழே . . .
கலை உலகில் பலர் மெச்சும் என் கவித் தமிழே . . .
கவிஞர்களை பரிணமிக்க வைத்த
நம் உயிர்த் தமிழே . . .
உயிரையும் மெய்யையும் இணைத்து
உயிர்மெய்யாய் உலவும் உணர் தமிழே . . .
உலகின் பாரம்பரியம் காக்கும் பைந்தமிழே . . .
ஜனனம் உணர்ந்து வாய் திறந்து
உலவும் கன்னித் தமிழே . . .
என் தமிழே . . . என் மெய் சிலிர்க்க செய்த செந்தமிழே . . .
தமிழினம் காக்க வந்த தன் மானத் தமிழே . . .
உன்னை எழுத்து பிறழாமல் காத்தால் நீ இனியவளே . . .
நீ வளர்க . . . நாங்கள் வாழ . . .

என்றும் அன்புடன்
கந்தவேல் கவிதைக்காக . .