அலைவரிசை(சனல்)-4 வெளியிட்டது
பொய் என்று
இலங்கை அரசு சொன்னாலும்
வன்னிப் போருக்குள் சிக்கித் தப்பிய
நான் சொல்வதில் பொய் இல்லையென
உலகமே அறிந்து கொள்!
புலிகளையும் பிரபாகரனையும்
கடலுக்குள் மூழ்கடிப்பதாகக் கூறி
பாதுகாப்புப் பகுதியென
அறிவிக்கப்பட்ட இடமென
ஓடோடி ஒதுங்கிய முள்ளிவாய்க்காலில்
சாவடைந்தை மூன்றரை இலட்சம்
ஈழத் தமிழரை
நினைவூட்டச் சொல்கிறேன்
உலகமே அறிந்து கொள்!
முதலாம், இரண்டாம்
உலகப் போரில் கூட
இப்படி நிகழ்ந்திருக்காது...
"பதுங்குழிக்குள் வாங்கப்பா" என
"செத்தால் இருவரும் சாவோமப்பா" என
என் துணைவி அழைக்க
"ஐயோ என்ர கடவுளே" என
சாவின் பிடியிலிருந்து தப்பிக்க
ஓடி ஒளியப் போய்
சாவடைந்த ஈழத் தமிழரை
உலகமே நினைத்துப் பார்த்தாயா?
வானிலிருந்து, கடலிருந்து, தரையிலிருந்து
குண்டு மழை பொழிந்த
இலங்கைப் படைகளை
ஐ.நா. சபை
போர்க் குற்றவாளிகளாக்க முடியாமைக்கு
அலைவரிசை(சனல்)-4 ஒளிஒலிப் படங்கள்
சான்றாகக் காட்ட வலுவற்றதா?
பொக்கணை தொடங்கி
இரட்டை வாய்க்கால், முள்ளி வாய்க்கால் உட்பட
வட்டுவாகல் வரை
இலங்கை அரசால்
தடை செய்யப்பட்டது ஏன்?
குண்டு மழைக்குள் தப்பிய
நான் கண்டேன்...
கொத்து(கிளஸ்ரர்)க் குண்டு வீழ்ந்ததும்
(கிளஸ்ரர் குண்டு-ஐ.நா. சபையால் தடை செய்யப்பட்டது)
வீழ்ந்த இடத்திலிருந்து
100 மீற்றர் சுற்றுவட்டத்து மக்களை
சாவடையச் செய்தும்
உடல்களைத் துண்டாடச் செய்தும்
தன் வேலையைக் காட்டியதே!
மக்களைச் சிதறி ஓடாமல் செய்ய
மூச்சுத் திணற வைக்கும்
புகைக்குண்டு வீ்ழ்ந்த பின்னே
எரி(பொஸ்பரஸ்) குண்டு வந்து வீழ
குண்டுகள் வீழ்ந்த இடத்து மக்கள்
சாவடையாமல்
தப்பிக்க இயலாமல் இருந்ததே!
இறந்தவர்களையா
நம்மாளுகள் விட்விட்டு வந்தனர்...
தம்மைப் பெற்ற பெற்றோர்களை
தாம் பெத்த பிள்ளைகளை
(கைக்குழந்தைகள் உட்படத்தான்)
தம் துணைகளை, உறவுகளை
தமது சொத்துகளை எல்லாம்
இழந்து வட்டுவாகலில் ஏறியும்
(மெனிக் பாம்) அரச சிறைக் கூட்டில்
(கூரைத் தகடுகளால் அடைத்த அறை)
நினைத்து நினைத்து அழுதவர்கள்
இன்றும் அழுவதை
உலகமே சற்று எண்ணிப் பார்!
மே-18-2009 ஆம் நாள்
இத்தனையின் உச்சக்கட்டம்
அதனால்
உலகத் தமிழினம்
இந்நாளில் - இவற்றை
ஒன்றிணைத்து மீட்டுப் பார்க்கையில்
உலகமே
உன் பதிலைச் சொல்வாயா...
இல்லையேல்
கண் மூடித் தூங்குவாயா...
எப்படியோ
நம்மாளுகள் நாள்தோறும்
இவற்றை நினைக்காமல் வாழ
முடியவில்லையே
உலகமே அறிந்து கொள்...

இந்திய‌ மற்றும் இலங்கை அரசுகளின் கூட்டுச் சதியால் நம் தமிழின‌ மக்கள் கொத்து கொத்தாக‌, உடல் சிதறி, உறுப்புகள் சிதறி, உலகமே வேடிக்கைப் பார்க்க‌, தனது கொடூரத்தை நடத்தியதையும், பாதுகாப்பு வலயம் என்ற‌ பெயரில் மொத்தமாக‌ கூண்டுக்குள் அடைத்து கொன்றதையும், புத்தன் பூமியில் சமாதானக் கொடி ஏந்தி வந்தவர்களையும் இரக்கம், போரியியல் நியதி இல்லாமல் கொன்றதையும், ஊடகவியாலர் என்றும் பாராது கற்பினை அழித்து உயிரை பறித்ததையும், உயிரினை விடவும் கற்பினை போற்றும் நம்மின‌ சகோதரிகளின் கற்பை பொதுவாக்கி ரசித்த‌ சிங்கள காடையர்களின் அக்கிரமத்தையும், இறந்தவர்களின் உடலைக் கூட‌ புணர்ந்த‌, அதையும் காமக் கொடூரமாய‌ ரசித்து, இறந்த‌ உடலையும் காலால் மிதித்ததையும் உலகம் மறக்கலாம், கண்டும் காணாது நிற்கலாம்...... ஆனால் உலகின் கடைசி தமிழன் இருக்கும் வரைக்கும் மறக்கவும் மாட்டோம்........... மன்னிக்கவும் மாட்டோம்.........

உலகமே அறிந்து கொள்ள வேண்டிய விஷயம்

தமிழ்1981 wrote:இந்திய‌ மற்றும் இலங்கை அரசுகளின் கூட்டுச் சதியால் நம் தமிழின‌ மக்கள் கொத்து கொத்தாக‌, உடல் சிதறி, உறுப்புகள் சிதறி, உலகமே வேடிக்கைப் பார்க்க‌, தனது கொடூரத்தை நடத்தியதையும், பாதுகாப்பு வலயம் என்ற‌ பெயரில் மொத்தமாக‌ கூண்டுக்குள் அடைத்து கொன்றதையும், புத்தன் பூமியில் சமாதானக் கொடி ஏந்தி வந்தவர்களையும் இரக்கம், போரியியல் நியதி இல்லாமல் கொன்றதையும், ஊடகவியாலர் என்றும் பாராது கற்பினை அழித்து உயிரை பறித்ததையும், உயிரினை விடவும் கற்பினை போற்றும் நம்மின‌ சகோதரிகளின் கற்பை பொதுவாக்கி ரசித்த‌ சிங்கள காடையர்களின் அக்கிரமத்தையும், இறந்தவர்களின் உடலைக் கூட‌ புணர்ந்த‌, அதையும் காமக் கொடூரமாய‌ ரசித்து, இறந்த‌ உடலையும் காலால் மிதித்ததையும் உலகம் மறக்கலாம், கண்டும் காணாது நிற்கலாம்...... ஆனால் உலகின் கடைசி தமிழன் இருக்கும் வரைக்கும் மறக்கவும் மாட்டோம்........... மன்னிக்கவும் மாட்டோம்.........

தங்கள் உணர்வு பூர்வமான கருத்துகளை ஏற்றுக்கொள்கின்றேன்.