தமிழ் தாத்தா சாமிநாத ஐயர்

by **அ.இராமநாதன்** Thu Aug 16, 2012 8:49 am

-
தமிழ் தாத்தா என்று நம்மால் செல்லமாக அழைக்கப்படுபவர்
உ.வே. சாமிநாதய்யர். இவரை ஏன் இப்படி அழைக்கிறோம்.
-
செல்லரித்து, சிதைந்து, அழியும் தறுவாயில் இருந்த ஏராளமான பழந்தமிழ்ச்
சுவடிகளைத் தேடிக் கண்டுபிடித்து அவற்றை சரிபார்த்து ஒழுங்குபடுத்தி
அச்சிட்டு அழியாத கருவூலங்களாகத் தமிழ் மொழிக்கு அளித்தப் பெரியவர் தான்
தமிழ்த் தாத்தா உ.வே. சாமிநாதய்யர்.
-
அவருடைய உழைப்பும், முயற்சியும் இல்லாமலிருந்தால் பழந்ததமிழ்
இலக்கியங்கள் பலவற்றை நாம் அடியோடு இழந்து போயிருப்போம்.
-
தஞ்சை மாவட்டதிலே பாபநாசத்திற்கு அருகில் உள்ள உத்தமதானபுரம் என்ற சிறு
கிரமத்திலே தமிழ்த் தாத்தா சாமிநாதய்யர் அவர்கள் 1855ம் ஆண்டு பிப்ரவரித்
திங்கள் 19ம் நாள் பிறந்தார்.
-
இவருக்கு பெற்றோர் இட்ட பெயர் வெங்கட்ராமன். அது பாட்டனார் பெயராக
இருந்ததால் அப்பெயரிட்டு அழைப்பது மரியாதைக் குறைவு என்று கருதிய அன்னையார்
சாமிநாதன் என்ற செல்லப் பெயரால் அழைப்பதை வழக்கமாகக் கொண்டிருந்ததார்.
பின்னர் சாமிநாதன் என்ற பெயரே நிலைத்து விட்டது.
-
மகாவித்வான் மீனாட்சி சுந்தரம் பிள்ளையிடம் ஐயர் அவர்கள் முறையாகத்
தமிழ் கற்றார்.
-
கும்பகோணம் கல்லூரியில் தமிழாசிரியராக பணிபுரிந்த போது தான் பழந்தமிழ்
ஏட்டுச் சுவடிகளைத் தேடிக் கண்டுபிடிக்கும் முயற்சியில் ஈடுபட்டார்.
-
கடுமையான சிரமத்திற்கும் உழைப்புக்கும் பிறகு ஐயர் அவர்கள் 1892ம் ஆண்டு
சிலப்பதிகாரத்தைச் சரிபார்த்து பதிப்பித்தார். தொடர்ந்து மணிமேகலை,
புறநானூறு ஆகிய நூல்களையும் பதிப்பித்தார்.
-
இதேபோன்று 1902-1904 ம் ஆண்டுகளில் ஐயர் அவர்களால் ஐங்குறுநூறும்
பதிற்றுப்பத்தும் பதிப்பிக்கப் பெற்றன.
-
ஐயர் அவர்கள் சென்னை மாநிலக் கல்லூரியின் தமிழ்ப் பேராசிரியராக
நியமிக்கப்பெற்றார்.
-
ஐயர் அவர்களின் அற்புதமான தமிழ்த்தொண்டினைத் தமிழ் பயின்ற வெளிநாட்டு
அறிஞர்களான சூலியன் வின்சோன், ஜி.யு.போப் போன்றவர்கள் பெரிதும்
பாராட்டியுள்ளனர்.
-
“தமிழ்த் தாத்தா” எனத் தமிழ் மக்களால் அன்புடன் அழைக்கப் பெற்ற
டாக்டர் உ.வே. சாமிநாத ஐயர் அவர்கள் 1942ம் ஆண்டு நிறைவு எய்தினார்.
-
இத்தகைய சிறப்பு வாய்ந்த தமிழ் மொழியை இன்று பேசுவதே கேவலம்
என்று நினைக்கின்றனர் இந்தக் காலத்துப் பிள்ளைக்ள்.
இந்த கொடுமையை என்னவென்று சொல்வது?
-
===========================================
நன்றி தினமலர் சிறுவர்மலர்
http://tamilparks.50webs.com/tamilarticle/swamynathaiyer.html
photo courtesy:
http://colnect.com/en/stamps/stamp/158959-Dr_UV_Swaminatha_Iyer-Literature_Press_and_Comics_Writers-India

பகிர்வுக்கு நன்றி ஐயா

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தமிழ் தாத்தா சாமிநாத ஐயர்

தமிழ் தாத்தா சாமிநாத ஐயர்

Re: தமிழ் தாத்தா சாமிநாத ஐயர்